心齋 (已結業)

自从心斋离开左港岛之后都冇再去过，好挂住佢个边炉。成个冬天因为疫情同限聚令，一直都去唔到打边炉，终于总算比我喺冬天完结之前去到。唔知系咪因为少左人打边炉，佢地冇煮定啲汤底，所有汤底都系落左order先煮，所以都要等几耐。建议大家可以一坐低就叫左汤底先，咁就唔洗等到颈都长。叫左一边冬荫公，一边系菇汤底(个名唔记得左)。冬荫公真系超正，酸同辣既程度掌握得啱啱好，菇汤味道方面冇乜特别，但就非常足料，成锅都系铅笔菇。黎得心斋一定要食佢地自家制既饺子，包得好靓，皮薄馅又多。不过我记得以前好似系有三款，依家就得返两款。打边炉一定唔少得响铃，好够脆又唔会好油。放落冬荫公汤底索哂啲汤真系超正！海啲丸都有好多款呀，但冇左我最钟意既包心丸，好彩流心芋头丸都几好食。以前心斋有张酱料枱，可以比大家自己配搭唔同口味既酱料，但依家就冇左，变相每位悭返$25酱料费。虽然冇左酱料枱，但都仲有两款酱料比大家拣，另外其实啲汤底都好够味，唔点酱都可以。同唔系食素既朋友黎，佢地都赞好食，大家都不妨带非素食朋友一齐黎试下。