大力齋廚

营业中

休息中

今年冬至冇得出去食，咁就买个盆菜返屋企，成家人一齐烚下烚下啦！往年试过几款盆菜，有啲就素肉偏多，有啲就材料比较简单，食得唔系几过瘾。大力斋厨既滋润养生盆菜冇蛋奶同冇素肉之余，啲用料都几靓，就买左个试下。买一个盆菜就已经可以全港免费送货，而自取就可以有九折优惠。5-6人份量既细盆菜都分量十足，作战力差啲都冇可能食得哂。根据餐厅既温馨提示，最好将铺面既材料先搬落黎，然后加汁落去加热，到滚左之后再好似打边炉咁烚下烚下就ok。材料有分天然材料同谭哥巧手食材。天然材料包括火箭菇、猴头菇、野生竹笙、榆耳、黄耳、秋耳、栗子、上海素火腿、姬茸菇、鲜准山、鲜豆结、上海年糕、甜竹、佛手瓜、旺菜，而谭哥巧手食材就有福袋、鲜竹卷、滑鱼腐、草菇陈皮素鸭、煎酿豆卜、贵花鱼，另配有佛手瓜姬松茸汤汁。味道有少少偏啖，我地食果阵都要加啲盐同辣椒酱提味。材料方面因为豆制品比较多，所以都几顶肚，好快就饱。整体黎讲唔算特别出色，如果可以浓味返少少会好啲。