影片
更多
2020-05-01
817 浏览
好耐之前去过大自然素食既太子分店一次，比佢啲员工既服务态度吓亲，之后一直冇再去。到前排佢做堂食半价优惠，就谂住比多次机会佢地，点知真系改善左好多，啲姐姐友善左，食都食得开心啲。个蛇羹真系好神奇，啲素肉既样系同蛇肉一模一样，真系呃得下人！生炒糯米饭当然就唔系生炒架啦，卖到咁平仲做生炒会蚀架，不过味道都唔错。平时好少机会食到冇肉既糯米饭，今次食到觉得好满意。牛仔肉冇乜特别，个份量就有少少呃秤。睇落以为好大份，原来旧锡纸入面系垫高左，真实份量猎火减左一半，大家要留意下。素翅炖椰皇系每日限量发售架，如果想食既话最好早啲去，或者book位果阵叫佢地留定比你，如果唔系好大机会冇得食。个汤好清甜，啲椰肉够哂稔，轻轻力就笔到出黎食。啲仿鱼生都系来货，同其他有仿鱼生既素店出品一样，都系蒟蒻做既人工野，耐唔时食下都几过瘾。北京片皮鸭其实就唔系好似鸭架喇，不过我钟意食佢块薄饼同埋酱，包埋一齐食细细个啲回忆返晒黎。啲人成日话啲素食者食素肉系斋口唔斋心，其我地都系想回忆下以前既日子啫。十几蚊就有一碟高丽菜，仲话系有机既添！大家又信唔信咁平有有机菜食呢？系既话真系益街坊！上汤浸翡翠苗整得几好，啲菜苗煮得恰到好处，
个蛇羹真系好神奇，啲素肉既样系同蛇肉一模一样，真系呃得下人！
生炒糯米饭当然就唔系生炒架啦，卖到咁平仲做生炒会蚀架，不过味道都唔错。平时好少机会食到冇肉既糯米饭，今次食到觉得好满意。
牛仔肉冇乜特别，个份量就有少少呃秤。睇落以为好大份，原来旧锡纸入面系垫高左，真实份量猎火减左一半，大家要留意下。
素翅炖椰皇系每日限量发售架，如果想食既话最好早啲去，或者book位果阵叫佢地留定比你，如果唔系好大机会冇得食。个汤好清甜，啲椰肉够哂稔，轻轻力就笔到出黎食。
啲仿鱼生都系来货，同其他有仿鱼生既素店出品一样，都系蒟蒻做既人工野，耐唔时食下都几过瘾。
北京片皮鸭其实就唔系好似鸭架喇，不过我钟意食佢块薄饼同埋酱，包埋一齐食细细个啲回忆返晒黎。啲人成日话啲素食者食素肉系斋口唔斋心，其我地都系想回忆下以前既日子啫。
十几蚊就有一碟高丽菜，仲话系有机既添！大家又信唔信咁平有有机菜食呢？系既话真系益街坊！
上汤浸翡翠苗整得几好，啲菜苗煮得恰到好处，唔会有阵臭青味，而且够新鲜冇乜渣，唔错。
依个竹筒饭真系要赞下啲姐姐！打开果阵系咁既样，食落有少少干，我地都不以为然照食。食食下有个姐姐行过，佢大惊，仲话依个竹筒饭煮得太耐，干哂，要换过一个比我地。
过左阵佢拎过第个竹筒饭黎，打开发现浅色好多，而且仲湿润子多。好彩姐姐发现到帮我地换左，如果唔系都唔知自己食左啲咩落肚。
松子鱼个汁比较杰，可能个芡落得重手左少少，但个味都so far so good，啱啲钟意食酸甜野既人。
生煎包个馅偏干，始终素叉烧比较难做到真叉烧比较juicy既感觉，趁佢做半价试下冇坏。
黎左三次对员工既态度改观不少，如果你地都曾惊比佢地吓怕过，不妨比次机会佢地，会有全新既体验。
张贴
