大自然素食

营业中

休息中

我錯, 真係我錯, 明係見到一地負評都走去食呢間野, D野一般啦,  未至於難食到嘔既重點係D伙記, 仲係一班趕收工既伙記未食完, 突然開大個冷氣, 見你仲未有意思埋單就出糖水, 再叫我地埋單 (果時8點仲有吉枱, 外面都冇人等位)朋友話想食甜品, 不情不願比個餐牌我地, 我順手叫D亞姐較細個冷氣, 佢一路行走一路講冇得較架, 唔係亞化,.........  D甜品到啦, 豆沙餅唔好食仲凍算啦, 合桃露上枱, 要出聲要比新既餐具, 仲要黑面當然, 上埋糖品又比張單黎叫我地埋單啦咩佢地唔係11點關門咩.................

今日去食，其間有職員隔離執枱，將食過碗筷杯碟及茶壼放入收集車，見到其中一個肥身型職員，叫執野同事等一等，之後在收集車取茶壼打開望一望就話呢個可以再用，隨手成壼(無倒之前剩番d茶)放回茶壼櫃，隨後有人入坐，用呢個壼倒d熱水就開茶😱😱😱唔怪之之前新開茶係暖。。。。。。。係咪間間係咁架？咁收茶錢咪好賺。。不停重用。

份量少，價錢貴，服務差…碟頭飯嘅水準，五星級酒店嘅價錢…四五嚿藥水味（草莓醬）炸牛頭菇，竟然可以收$166食物凍，半生不熟…同一碟既菇可以有軟過豆腐又可以石頭咁硬薄餅個底有污糟嘢..明明冇客有大枱，係都要俾細位嘢未食完夾緊餸嗰陣時收碟…門口一個客都冇…趕客….唔怪得冇人留港消費呢間嘢就係其中既經典。Openrice 既劣評我諗九成九都係真，因為浪費咁多時間寫夠200字，只係為咗留個劣評。可想而知呢間嘢真係幾咁令人不滿。

呢間位於太子始創中心噶大自然素食，真係好味，有時感覺真係唔似素食，已經唔係第一次來，有時還要等位，不過今日就不用，因為係過左食飯時間先來，但都係好多人，可以證明幾多素食愛好者，一來就送個涼拌雲耳，少少辣，都好爽脆，我們就點左麻醬雞絲粉皮，食落去超似真噶雞絲，配埋濃稠噶麻醬，底部還放左青瓜絲，配搭好好，第2個就係福建炒飯，用素火腿，素蝦，但食落去完全同平時噶福建炒飯無分別，炒飯都好有鍋氣，第3個就係每次都必點噶鮮竹銀杏湯浸翡翠苗，湯鮮甜，豆苗嫩，有銀杏腐竹，份量多，第4魚香肉碎焗棉花茄子，呢個都要比個讚，面還有少少芝士，裡面噶茄子是去皮手撕噶，唔會有平時噶皮，肉醬就好似平時食西餐噶肉醬，但係素豬肉，整體效果好好，第5就係生煎菜肉餃，皮脆，裡面有木耳加其它素菜，都超飽肚。整體來講素食不再咁單一啦！

細細個已經成日幫襯呢間💚而家越開越多西式素食店 間唔中食吓中菜 都唔錯😎呢到嘅食物種類超多元化 中西日式應有盡有✨.📌北京片皮鴨(跟薄餅) $106賣相真係好似片皮鴨‼️鴨肉似麵筋 不過係鹹嘅調味🧂微微炸過 外層焦脆 咬落帶韌勁🦆單食唔太似真肉 但用柔軟麼麼皮包埋青瓜同白蘿蔔絲 再淋上甜麵醬🫔都可以幾可亂真 唔錯👍🏻.📌大紅乳豬件(跟自製掛包)$126素乳豬係麵筋嚟 調味唔濃 冇鴨肉咁鹹 麵筋豆味重啲 口感出奇地似真乳豬 做到肉嘅鬆嫩 仲有啲酥香🐷如果加多層脆皮就perfect🙌🏻掛包有八件 份量十足 兩款都好鬆軟 原味似饅頭咁香甜 燕麥甜度低啲帶麥香🍞配埋爽脆青瓜同甜麵醬🥒口感豐富 輕盈又有飽腹感 推介💯.📌法式牛油果焗多士 $17/1最少兩件起嗌✌🏻多士係大片厚切法包 烘到外層超脆口 有餡地方就鬆軟濕潤🥖頂層係牛油果蓉加素芝士 軟滑creamy 鹹香十足 有啲似鹹蛋黃醬 香口惹味 但就比較油膩🥑🧀.📌鮮竹銀杏湯浸翡翠苗 $106翡翠苗好爽脆 帶獨特草青味🌱上湯味道好清 淡淡胡椒辛辣味🍲另外仲有滑嫩白果, 清甜百合同幾片鮮竹 好清新嘅菜式🌟.📌瑤柱金菇扒西蘭花 $106西蘭花勁大一

28/12號下午四點左右同家人去咗太子呢間大自然食嘢，當時去到見到門口有吉咗嘅檯，不過當時門口冇員工係度，出於禮貌都係要入去同啲員工講返聲，（我行咗入去問其中一名員工，我想食嘢可以坐係邊度，佢當時睇咗自己隻表，好似好唔想做我哋生意，我見佢猶豫咗一陣，我即刻同佢講我可以坐門口嗎？我食半個鐘都可以啦⋯⋯佢先問我幾多位，我同佢講二位，於是就坐喺門口位⋯）倆個人就叫咗三個餸，其中一碟餸裡面食到一條2-3cm長嘅疑似竹簽物體，當時諗住算啦，嗱嗱聲食飽走人⋯⋯點知開始食另外一碟叫琵琶豆腐時，開頭兩粒都算同平時差唔多，在食第三粒時覺得係食緊麵粉，在食多粒都係一樣，原來抱住唔好浪費啲心態想食晒佢，但係真的好難食⋯⋯好似食緊香口膠，幫襯咗咁多年大自然素食未試過好似太子呢間咁差⋯⋯未到五點就行去買單，個員工見我行過去就即刻幫我準備買單⋯⋯我就同個員工返應碟餸裡面根本都唔係果樣嘢，（因為本人有一個習慣就係無論去到邊間大自然都係會叫返同樣嘅嘢，本人平時食野不會挑剔）跟住個員工就重複答我「你覺得唔好食，你唔好叫啦，你下次唔好叫啦，跟住我同佢講我純粹俾的意見，然後佢同講講唔關我事架，你同幫你買單個經理講啦，當時我

明明入邊有好多位，但係要我哋坐出面窄到死咁 嘢食黎得好快，但係凍嘅跟住啲茶都係凍嘅做得越黎越差 埋完單仲要直接趕我走 坐咗一個鐘都唔夠 之前食都可以接受 但一日比一日差以後唔會再食

跟小學同學好耐無見，今次約左一齊食素。三點鐘開始下午茶，就吃下午茶啦！下午茶有半價抵食！（留意餐牌某些食物係無半價）麻煩同學先排隊攞位！坐低就可以叫野食。由於大家唔太肚餓，所以只叫了以下食物：麻醬雞絲粉皮$48：雞絲粉皮好食,份量唔小，麻醬如果多些更好。生煎菜肉餃（8隻）$48：煎餃子味道一般，底又唔係煎得好脆，也不太熱，調味又比較淡,唯一可取係夠大隻可填飽肚子之選。大自然燒味併盤$168：內有（叉燒、大腸、油雞、南乳燒骨、素鴨）。待應一拎黎真係眼前一亮，好大碟又靚。最愛素鴨，叉燒大腸，其它一般般吧！併盤好處就係乜都可以試，滿足！三個人計茶錢共$198（計法如下：$168+$48+$48+茶錢（無半價）$36共$300，加一/1係$30），食物半價$132，將食物$132+加茶錢$36+加1$30,最後$198,3人食每人60多元好抵食 服務：真係大開眼界，包括趕客唔好入座。當時未夠4點,收5點都唔想俾人入，勁！未夠4點要埋單，即係想加單就趁早啦！最過癮食左$198完全無人找贖，2元自動變貼士，妙！問都唔問未到五點立刻收晒所有未食晒的食物，咁都仲算有良心俾番杯茶你唔收可以飲下，一夠五點

今日下午去食下午茶,一個茄子炒河粉,油到不得了,另一個炒飯,淋到不得了!幫趁十幾年大自然,水準愈來愈差,服務又愈來愈差,上星期去尖沙咀又係咁!真係唔會再幫趁!難食又服務差!平都冇用!

雖然沒有光顧，只是查詢，門口帶位員工聽到查詢已經態度一般及粗劣，帶我到收銀櫃檯等，收銀員工聽到我想查詢盤菜菜單，態度已經不厭其煩係枱面尋找盤菜資料，一邊找一邊鬧，🤦🏼‍♀️我話如果冇就算啦！唔該晒你，麻煩晒！但佢繼續一邊搵一邊自言自語，咁多款，點知你想要邊款，有十幾廿個盤菜，點知張紙放喺邊😢唉！你搵唔到我都冇怪你，佢態度好似怪我麻煩佢比野佢做咁🤦🏼‍♀️點解大自然仲可以繼續，未去食態度已經咁差，坐喺堂食，咪貼錢買難受😪唔會有下次再去光顧

一家十二人去晚飯，本來開開心心，食物係多選擇，味道都很好，但待應態度惡劣，八點晚飯九點已趕你走，唔係因為有下輪客等緊，純粹係想十點前收工，以後都好難再幫襯，除非轉左批待應。

小弟不得不承認以素食來講係好食，多款式。但是樓面人員服務就令小弟不敢恭圍。小弟今收工同太太去食晚飯，由點餸到上齊食物花20分鐘是非常合理。但竟然在我剛剛起步進食時，服務員突在我未叫埋單之下行埋黎叫我埋單先，仲話你都唔會加嘢食㗎啦！當時嘅時間係晚上8:15，我當時呆一呆嚟不設反應之下就用信用卡埋咗張單然後繼續食飯。食完飯之後睇大約8:45我同太太就離開。食飯期間我見到樓面服務員不停叫其他枱嘅人客先埋單，而情況係當時其他人客亦係正在進食中。最後，當我們離開時候，我太太問其中一位服務員（樓面）他們是幾點關門，她馬上回答係10:00仲自動講因為人手不足所以要求人客上齊餸就先要求客人埋單，原因係唔好阻礙佢地收工🤪。各位，日後大家自己考慮是否要去/咩時間去呢間好嘢食用啦。

第一次食素三文魚點完醬油，真系好神似黃金南瓜蝦個蝦都幾好味咕嚕肉都真系幾似肉，唔認真睇都會以為系肉素芋頭鴨也不錯腰果露唔甜好食d阿姐講野比較粗聲粗氣 唔代表我無禮貌個種新式素食尼講 價錢唔貴有機會會再去

今日十五本身開開心心去食素，去到要攞飛，已經等好耐先有人出嚟招呼寫號碼。我講左2 位，之後有一枱4 位，阿姐比左飛4 位無比飛我，我問返阿姐攞，阿姐好晦氣咁寫咗張竟然係喺四人枱之後嘅俾我。4人枱客人已經開口話係我到先，阿姐唔認自己錯，仍唔肯改飛⋯中間見等咗20分鐘都冇人走我再問阿姐，阿姐就好晦氣咁話有枱我就俾你先。點知最後阿姐安排咗四人枱入去囉，我同阿姐理論，阿姐話而家我係俾大枱人唔係2 人，我話阿姐你啱啱走都係比2 個人坐，點解你唔係俾2人先呀。阿姐啋我都儍⋯阿姐⋯十五食飯時間等一張枱走已經好耐，將心比己啦阿姐！！最後唔食佢走左～喺comment 已經睇到好多人話太子招呼差，今日拎教左，簡直係趕客！

佛誕，全日食素，所以同女友小熊一齊去大自然，就係咁簡單!我都係果句，我係一個齋口唔齋心嘅人，點知一山還有一山高，搭枱嘅隔離枱客口心都唔齋，條阿叔把聲已經夠響，一坐底就投訴餐廳唔開個好位俾佢要搭枱，又投訴後加嘅靚仔飯遲遲未見，我同小熊打個眼色，快快食完快快走!所以原本想叫兩個木瓜沙律，點一個就算，原本想點焗多士都唔叫，點個瑤柱金菇伊麵，砂鍋雲吞素翅，琵琶豆腐，心諗快D上枱唔該!木瓜唔係我杯茶，沙律如果加上蟹籽就更好味，可惜蟹籽唔係素!瑤柱金菇伊完全食唔到瑤柱，但伊麵炒到比較乾身唔會太多茨汁，哩點我欣賞.砂鍋雲吞素翅唔夾自己口味，雲吞內裡餡料酸菜自己唔欣賞，另一款餡料唔知係咩菜，果種草菁味太強，食一件已放棄!隔離枱果位煩音又係到𠵱𠵱哦哦...... 感覺我係孫悟空遇上唐僧!登登登登登登登! only you...….最後琵琶豆腐外脆內軟，跟隨嘅醬汁以為味道好死唔夠鮮，但又出奇地惹味! 成為今餐最正竟然係哩碟醬汁!今日佛誕餐廳已經特別多客，雖然D姐姐態度已經唔多友善，但一山比一山高遇到D西客又突然間凹哂水! 相信哩件核爆唐僧係熟客D姐姐都買佢怕!阿彌陀佛!