珍心素食豆漿豆腐花專門店 (已結業)

珍心又系一间我好钟意去既平民素食店，一黎平啦，二黎依度仲有好多香港地道小食。每次黎到都唔知食小食定系正餐好，而最后通常都系会拣左小食。碗仔翅餐包左珍心素碗仔翅同香滑肠粉。珍心素碗仔翅既英文名系Jane's Soup，唔知老板英文名会唔会就系Jane呢。碗仔翅都几多料，有木耳、冬菇、豆干同粉丝，味道同浓度同一般碗仔翅都差唔多，加埋醋同胡椒粉就perfrect。香滑肠粉真系好香滑，加埋自家制麻酱同靓豉油，成个味道升华左。顺带一提佢地既辣酱都几辣下，唔食得辣既朋友唔好咁贪心，一次过落劲多。猴头菇饭可以拣唔同汁，我地就拣左烧汁。啲猴头菇口感唔错，个烧汁既咸甜亦都适中，份量又够哂多，无可挑剔。最后介绍埋我最爱既手包粢饭。粢饭可以拣普通糯米或者三色米，三色米健康啲，但唔健康既食物永远比较吸引。热辣辣既糯米包住仲系脆卜卜既油炸鬼同素肉松，平凡但好味。食得太饱，已经冇空间再食埋甜品。如果食甜品既话，一定要食冰糖腐竹糖水，味道清甜，啲腐竹好足料又够滑，真心正。