影片
更多
2021-07-14
1211 浏览
母亲节带妈妈食下好野，本身想去食MA，但唔知啱唔啱妈妈胃口，始终啲法式野同raw food唔系人人啱，所以带左佢黎食POP vegan。以前都同佢黎食过，好在POP vegan不时都会update menu，所以都keep住可以试新野。Buffalo Wings其实系椰菜花，睇样真系估佢唔到。啲椰菜花切到一旧旧之后拎去炸，再捞返个Buffalo Wings既医汁，口感当然唔会expect有鸡既口感啦！我本身未食过Bufflo Wings，唔知个味应该系点，依个食落原来都几辣，好惹味。Smoked Tuna Pizza系薄批﹐脆脆地几香口。Pizza铺左满满既沙律菜，啲素吞拿鱼稍为腌过，阵烟熏味好正。依度既食物味道都几浓，叫一个Quinoa Salad中和下都唔错。材料新鲜，有羽衣甘蓝、橙、蕃薯同红石榴等，简单配个黑醋汁，食落非常清新。Bak Kut Teh with Bread Stick系素肉骨茶，配左一小碗饭同炸面包条。肉骨茶好足料，有素肉丸、萝卜、粟米仔、冬菇、白木耳，药材味稍为浓左少少，同埋唔系几够咸，平衡下两个味会好啲。炸面包条如果可以用油炸鬼取代就好。African Chi
Buffalo Wings其实系椰菜花，睇样真系估佢唔到。啲椰菜花切到一旧旧之后拎去炸，再捞返个Buffalo Wings既医汁，口感当然唔会expect有鸡既口感啦！我本身未食过Bufflo Wings，唔知个味应该系点，依个食落原来都几辣，好惹味。
Smoked Tuna Pizza系薄批﹐脆脆地几香口。Pizza铺左满满既沙律菜，啲素吞拿鱼稍为腌过，阵烟熏味好正。
依度既食物味道都几浓，叫一个Quinoa Salad中和下都唔错。材料新鲜，有羽衣甘蓝、橙、蕃薯同红石榴等，简单配个黑醋汁，食落非常清新。
Bak Kut Teh with Bread Stick系素肉骨茶，配左一小碗饭同炸面包条。肉骨茶好足料，有素肉丸、萝卜、粟米仔、冬菇、白木耳，药材味稍为浓左少少，同埋唔系几够咸，平衡下两个味会好啲。炸面包条如果可以用油炸鬼取代就好。
African Chicken系我长期至爱，由开业到依家一直喺menu上面。用黎扮鸡既猴头菇好滑同嫩口，真系好似食紧鸡咁！除左椰汁之外，仲有好浓烈既香料味，好有异国风情。我本身又系冇食过非洲鸡，唔知系咩味，Google完先知原来佢系来自澳门。
甜品menu上面多左好多野拣呀，Oat Tiramisu系必叫既。依度既Tiramisu用左燕麦奶整，好creamy，又够挺身唔会湿dat dat咁。另外仲可以order成个，开party同朋友分享就最好不过。
Creme Brulee Tart都唔错，份量够哂大，可以share食。个炖蛋既味有少少artificial，应该系落左云尼拿香油，相比之下tiramisu就出色好多。
因为限聚令，一枱6人之间加左块胶板，全餐厅啲野食系咁递黎递去，个画面都几搞笑。埋单大概二百几蚊，以苏豪区黎讲都唔算贵，最紧要妈妈食得开心就得。
张贴
