Mayse Artisan Bakery

营业中

休息中

之前睇完苹果既报导就想食Mayse（依家已经冇得再睇），想试下啲人手制无添加既欧洲风味面包。但系大美督真系太太太山旮旯，假日黎又太多人，唯有等到平日少啲人先黎。去到先发现原来得室外坐位，果下有啲想缩沙，因为真系好热，唔郁都系咁流汗。一场黎到冇理由唔食，好彩啲枱有好大把太阳伞，又有大排档风扇吹住，叫做好少少啦。一心谂住食pizza，但因为焗紧面包所以冇得焗pizza，好彩都仲可以拣食panini，如果唔系真系喊出黎Panini有两款，先黎系Truffle Melt Panini。啲黑松露味劲香，vegan cheese好似唔洗钱咁落左劲多，同啲香草好夹。个包有啲种籽咁，多左啲唔同既口感，烘得够脆而且一啲都唔干，好味到唔识形容！Caprese Panini睇个名完全唔知系乜，原来Caprese系一种沙律，有芝士、蕃茄同basil，配以橄榄油同盐调味。简单既调味突显左食材既新鲜同美味，真系好正呀，从来未食过咁好味既panini。一路食紧果阵都keep住有人黎帮衬买面包，以一个咁偏僻既地方黎讲真系好好生意呀！而我地千里迢迢黎到，滴哂汗咁都要食就知佢地咩料啦，为左美食真系可以去到好尽。果然对食物