Mirror & Vegan Concept (已結業)

上次黎Mirror冇左我每次必食既芝士焗长通粉，不过就多左个机会试下其他口味，食左个我都好钟意既忌廉芝士手工意粉。不过我始终都系对个长通粉念念不忘，终于等到佢come back喇！一入lift就见到个menu，超开心落完order就送上左沙律，之后就系餐汤同蒜蓉包。佢地个蒜蓉包真系超好味，焗得恰到好处，唔会太硬刮亲个嘴仔，蒜蓉味够哂香浓。南瓜汤好足料，浓稠度适中，饮落啖啖南瓜味。终于等到我最爱既芝士焗野菌香草酱长通粉喇。咁耐冇见，都发觉到佢有少少唔同，就系啲酱汁比以前少左。有啲人觉得好似偷工减料，但我就觉得依个做法系正确既，因为之前既酱汁比较多，如果食哂会有啲漏，依家调整左个份量就啱啱好。依个长通粉最吸引人之处就系佢既vegan cheese，香浓既味道直情胜过有奶既cheese。最后黎多杯咖啡，成个午餐就perfect。Mirror长期都只有一个店员负责店面所有工作，set枱、落order，上餐同收钱都系佢，虽然铺仔细细唔多位，但都感受到佢有几忙。虽然一脚踢，但佢就跟得好足，比人好好服务既感觉，值得一赞。