影片
更多
2021-06-28
1411 浏览
食左素差唔多6年，一路都未有机会黎依间有过百年历史既斋铺。本身以为传统斋铺都系咁上下啦，残残旧旧又有啲污糟，满天神佛，但东方小祇园完全系out of expectation咁好。去斋铺就紧系要食下斋卤味啦，得两个人就嗌左个细既，送到上黎吓左跳，原来细碟既份量都唔少，我谂4个人食都冇问题。佛门斋卤味有成6-7款，酸斋、咖喱斋、鸭肾、叉烧、素鹅同素鸡，啲色素唔会太劲，而且又唔会好油腻，恰到好处，唔怪得咁多人都赞佢地既斋卤味，可以话系我试过当中最好既。叫左个煲仔饭餐，加廿几蚊就多个蛇羮，几抵食。未食素之前都冇乜食过蛇羮，唔系好知应该系咩味，但蛇羮主要都系冬天补暖，咁饮完个素蛇羮个身都有啲暖笠笠既感觉，功效方面完全保留到。翡翠法轮卷同法轮功唔知有冇关虽然唔知个名既由来，但都无阻我去试依个菜式。一碟有成8件法轮卷，绝对系抵食夹大件既佼佼者。煎得香脆既腐皮入面包住发菜、金菇同红萝卜丝，一咬落去外脆内juicy，好正。另外仲有少少生菜同冬菇垫底，两个人完全冇可能食得哂，要打包走。压轴登场系我最期待既松子鸡枞菌煲仔饭。之前喺兴记食过素煲仔饭，材料就净系得啲冬菇同梅菜，食落都几dry。依个煲仔饭一打开我
去斋铺就紧系要食下斋卤味啦，得两个人就嗌左个细既，送到上黎吓左跳，原来细碟既份量都唔少，我谂4个人食都冇问题。佛门斋卤味有成6-7款，酸斋、咖喱斋、鸭肾、叉烧、素鹅同素鸡，啲色素唔会太劲，而且又唔会好油腻，恰到好处，唔怪得咁多人都赞佢地既斋卤味，可以话系我试过当中最好既。
叫左个煲仔饭餐，加廿几蚊就多个蛇羮，几抵食。未食素之前都冇乜食过蛇羮，唔系好知应该系咩味，但蛇羮主要都系冬天补暖，咁饮完个素蛇羮个身都有啲暖笠笠既感觉，功效方面完全保留到。
翡翠法轮卷同法轮功唔知有冇关虽然唔知个名既由来，但都无阻我去试依个菜式。一碟有成8件法轮卷，绝对系抵食夹大件既佼佼者。煎得香脆既腐皮入面包住发菜、金菇同红萝卜丝，一咬落去外脆内juicy，好正。另外仲有少少生菜同冬菇垫底，两个人完全冇可能食得哂，要打包走。
压轴登场系我最期待既松子鸡枞菌煲仔饭。之前喺兴记食过素煲仔饭，材料就净系得啲冬菇同梅菜，食落都几dry。依个煲仔饭一打开我已经相当满意，有豆腐、冬菇、鸡枞菌、劲多松子同几条菜，仲有少少素虾点缀下，成件事唔同左。啲油份适中，煲底亦成功起到好靓既饭焦，个煲仔饭真心平靓正。
百年老店果然名不虚传，食物质素有保证，员工服务唔错之余仲免加一，以后一定要多多帮衬，试哂menu上面啲野食先得。
张贴
