普陀素食 (已結業)

上水都算得上系素食沙漠，除咗依间做左几十年既普陀素食之外，就再冇其他素食餐厅。其实依家真系多左好多人食素，我强烈建议有兴趣开素食餐厅既老板们可以考虑下上水。讲返普陀先！因为有返咁上下历史，所以成间铺都系旧旧地昏昏暗暗咁，不过基本上大部分中式斋铺都系咁上下样。黎到斋铺紧系要食斋卤味，细份都已经好够食。依个鲜果玉球除左蜜桃之外就冇乜其他果，味道就比较似咕噜汁，酸酸甜甜几开胃，如果用猴头菇代替个素肉就更正。比餐牌上面「大网鲍」几只字吸引到，结果只鲍鱼又真系几大只，上枱果阵鲍鱼有啲散开左，我地砌返靓仔佢先影相，个卖相都算唔错丫！素鲍鱼用蒟蒻做既，爽口弹牙，都模仿得几好。个福建炒饭系一啲都唔似福建炒饭既，但唔代表佢唔好味。个饭好够镬气，而且超大份量，食完都几满足，不过如果你系想食福建炒饭既话就可能会有少少失望。黎到依啲街坊饭堂老字号，最开心系食到人情味。铺入面既姨姨好用心既接待我地，见我地等紧人又会拎汤比我地饮先，又好主动帮我地加茶。餐厅剩返我地一枱都唔会话想赶客快啲收铺，喺度屹立到咁多年确实系有佢原因既！