有緣小敍

营业中

休息中

佐敦住宅区既横街小巷入面有好多食店，当中更有米芝连推介级数既小店。当初吸引到我地黎有缘小敍就系佢地既biang biang面啦，一碗面入面得一条面，劲有gimmick。一入到铺就见到好多兵马俑既摆设，加上微暗既红灯笼，真系觉得自己去左西安咁。打开个menu见到都有唔少素食，仲有得拣唔同既辣度。依度啲野都真系几辣，唔太食得辣既记得叫微辣好喇，小辣都有少少令人想喷火！豆角烧茄子炒得好干身，不过茄子既份量就略嫌比以前黎果阵少左啲，变左个小配角咁。味道方面就非常惹味，少少辣相当过瘾。主角既biang biang面系可以做素食架，走左肉汁就得。虽然未食过有肉汁既时候系咩味，但冇肉汁版既味道绝对唔差。最正系放喺面上面果一撮仔紫菜，有少少炸过咁，脆脆地几好食。次次食biang biang面必做既就系揾个头同尾出黎，检查下佢系咪真系一条过，咁佢又真系冇令我地失望过！土豆丝同豆角烧茄子比就湿少少，食落有少少孜然味，我地觉得唔错，不过果阵味就未必人人受落。唔知几时再有缘黎依度小敍呢！