moono (已結業)

本身想去Ovule Bakery食面包，点知撞正员工lunch time，唯有转移阵地，去到都系喺深水埗既moono食甜品。moono应该算得上喺香港第一间整vegan cake roll既bakery，即使依家越黎越多餐厅有vegan cake roll食，moono既原祖地位都唔会变。第一次食佢地既cake roll既时候，感觉比较干身，啲气泡都比较大。但今次再黎食既时候就留意到个蛋糕质地冇咁干，变得更软绵绵。Tiramisu味道非常浓郁，啲cream够哂滑，感受到佢地既进步。朱古力挞食过一次，水准依然，无论系卖相、味道同口感都令人满意。个朱古力馅系偏苦甜既，啱啲唔钟意食太甜既人。之前黎合舍果阵，除左moono之外另一个partner都系做素食，今次再黎，竟然变左有肉卖，有一下仲谂会唔会系素肉，但闻真啲就知系真肉。如果唔想一边食蛋糕一边闻住啲肉味，都系买走食算喇。