影片
更多
2021-03-31
2023 浏览
新年果阵去紫竹林素食订左个盆菜，之后顺便食埋餐饭，仲买左啲其他野食，依家一次过汇报返先！先讲个盆菜，食过几间素盆菜，一系就太多素肉，一系就唔系好够味，但紫竹林依个就真系色香味俱全。铺喺面头既系佢地既招牌叉烧，够哂味之余仲有啲㶶边效果，睇得出系用心制作。除左啲素鲍鱼之外，成个盆菜都系天然食材，用料足，份量够，而我最欣赏系啲自家制肉丸。下次再买盆菜都一定黎依度，包保冇伏。拎盆菜果日系初一，顺便食个午餐，但点知假日冇得成平时既午市套餐，我好想试肉骨茶同糯米饭呀...点𩠌果阵唔记得左个盆菜已经有叉烧，结果一日食左两次叉烧，不过堂食又系另一返滋味，有少少外脆内软，好正。黑松露炒饭够哂镬气，一碟饭两个人食就啱啱好。又食又拎既除左盆菜，仲有纯素瑞士卷同琥珀合桃。细个果阵好钟意食瑞士卷，自己一个啪一条当一餐都得。一般既瑞士卷都有蛋奶，vegan唔会食。喺我以为一世都食唔返以前果种味果阵，竟然发现紫竹林素食有纯素瑞士卷卖。订果阵问左老板个瑞士卷系咩成份，佢又净系答我冇蛋冇奶，可能系商业秘密唔比得人知啦。Vegan左6年，真系未食过咁松软既蛋糕，松软得黎又好有弹性，卷做瑞士卷都唔会断开。啲cream都好绵
先讲个盆菜，食过几间素盆菜，一系就太多素肉，一系就唔系好够味，但紫竹林依个就真系色香味俱全。铺喺面头既系佢地既招牌叉烧，够哂味之余仲有啲㶶边效果，睇得出系用心制作。除左啲素鲍鱼之外，成个盆菜都系天然食材，用料足，份量够，而我最欣赏系啲自家制肉丸。下次再买盆菜都一定黎依度，包保冇伏。
拎盆菜果日系初一，顺便食个午餐，但点知假日冇得成平时既午市套餐，我好想试肉骨茶同糯米饭呀...点𩠌果阵唔记得左个盆菜已经有叉烧，结果一日食左两次叉烧，不过堂食又系另一返滋味，有少少外脆内软，好正。
黑松露炒饭够哂镬气，一碟饭两个人食就啱啱好。
又食又拎既除左盆菜，仲有纯素瑞士卷同琥珀合桃。细个果阵好钟意食瑞士卷，自己一个啪一条当一餐都得。一般既瑞士卷都有蛋奶，vegan唔会食。喺我以为一世都食唔返以前果种味果阵，竟然发现紫竹林素食有纯素瑞士卷卖。订果阵问左老板个瑞士卷系咩成份，佢又净系答我冇蛋冇奶，可能系商业秘密唔比得人知啦。Vegan左6年，真系未食过咁松软既蛋糕，松软得黎又好有弹性，卷做瑞士卷都唔会断开。啲cream都好绵密，仲好食过以前食过既瑞士卷。
琥珀合桃炸得恰到好处，唔会太油但又够哂脆，啲糖同芝麻均匀咁包裹住每粒合桃，然啲合桃形状又好靓够哂大粒，唔会碎开好细粒咁，好满意。
紫竹林素食唔算系人气之选，但其实佢地啲食物真系做得好好，希望更多人可以去支持佢地啦。
张贴
