紫竹林素食

营业中

休息中

工廈鋪頭細細，但非常有驚喜！！ 平日晚上同朋友去到，人唔多，計埋我地4枱客。樓面，收銀同廚房都由廚師叔叔一腳踢。但係叔叔非常有禮貌同有耐性。由於叔叔一個人一腳踢，上菜速度都比較慢，但可接受。我地叫左糖醋東坡肉，鰻魚炒飯，芋頭魚。所有都非常非常有驚喜！其中大推糖醋東坡肉！ Officially 鋪頭閂10點，平時餐廳930已經會提你last order 同10點閂。但叔叔好chill咁完全冇趕我地走，重同我地講慢慢唔駛急。非常appreciated. 一定會再回頭食

家人生日，於放工特別去觀塘成業工業大廈10樓取純素蛋糕，所以想在同區買素食外賣，一查見紫竹林在同一大廈1樓，就在落的電梯按1字。出𨋢右轉再左去盡頭，不難找到餐廳。進去見職員有打掃，以為已休息，一問職員好確定的可以進座，可惜我是要外賣，但他都不介意。原好想要招牌叉燒，但生日主角近期不能吃燒烤炸物，所以最後點了最保守的羅漢齋上素。店員收了錢請我坐著等。知道該店有定期派飯行善推廣素食，做了功德就在唸觀音。期間聽到師傅開雪櫃切菜開鑊，忙碌約20分鐘便有熱騰騰的羅漢齋上素。回家倒出有一大碟，用料足，在底的大量芽菜倒了在面，進口感到少油也不咸，餸飯一流。有爽口竹笋，但因皮膚情況全要放棄 ：~（ 。

又到齋期，觀塘素食選擇唔多，同屋企人試下呢間工廈傳統素食。閒日中午唔算太多人，12時半都未滿座。有兩餸飯$52,加多一餸$65, 定價進取。平時我係灣仔$55食到三餸飯了，而且呢度份量也較少，但可無限添飯添湯。西洋菜腰果湯幾清甜菇囉肉唔係一般素店用上猴頭菇，係豆造的，可惜唔夠熱唔夠脆。菠蘿用上新鮮菠蘿，讚炒菜係正常發揮！店員極力推薦招牌叉燒飯，就試下，美味！唔會好似老味咁硬再來一個套餐，黑椒汁未來 burger排，屋企人對個汁讚口不絕，好惹味！

好味道！素食者好地方～真心推介午市住家飯+老火湯🤤今日食三餸住家飯😋乳炸雞脾菇、魚香茄子、豆豉油麥菜再加必食米紙卷😋飲咗兩碗荷葉冬瓜湯🤤已經飽飽小店人情味❤食得開心～另有晚市小菜供應

今日經過電訊廣場，突然有一個婆婆拎住盒飯，應該係義工，話送畀大家試下。當時未食飯，所以唔客氣地要咗佢哋送嘅一盒飯😅。雖然係免費，但絕不馬虎，有好多油麥菜，同埋一件應該係新餐肉，雖然唔係我杯茶 (我都係鍾意平時酸齋、齋叉燒果類多d，所以從來未試過新餐肉)，但佢哋真係好有心，睇番佢哋social media，好似耐唔耐就會派飯，下次仲會送去觀塘碼頭畀露宿者。好有心的餐廳，亦都好多謝佢哋嘅飯盒👍🏻👍🏻👍🏻

一直有聽過觀塘有很多素食。剛巧在成業街，搜尋一下成業街的素食，遇上了紫竹林。雖然門面裝修普普通通，但整潔乾淨。初時看到餐牌覺得有點貴，一場來到不妨一試。分別是了魚香茄子，泰式紙米卷，素湯餃子，炒飯（含素蝦醬，XO醬，咖喱，黃薑，欖菜，香椿等）。最喜愛是魚香茄子，試過很多間素魚香茄子，都是走油炒的。這位廚師是乾炒的，茄子保持了一定硬度，咬下去一點也不油膩，而且味道調教得很好味。紙米卷來的時候以為有泰式醬汁，但沒有。吃下去竟然很夠味道，而且有少少脆脆，口感很特別。素湯餃子味道不咸不淡，剛剛好，湯底也不錯。炒飯因為用了素蝦醬，對於我來說有輕微偏鹹。不過整體很香口，炒飯很乾身，因為用了很多材料所以味道比較複雜，很好吃。總括來說，雖然是少店，晚上客人不太多，但對於不吃肉的我們來說，能找到一間烹調素食而且可口的店舖，享受了豐富的一餐，是很難得。一開始覺得價錢偏貴，吃完之後覺得值得。今晚只有店主一人，招呼幾台客兼用心烹製食物，要有點耐性等大約10至20分鐘，會再來幫襯。最後買了自家製核桃，非常好吃。

第一次食素式私房菜，令我更喜愛吃素了! 由於其中一位是素食朋友，只會到素餐廳，就不如試些特別一點的私房菜吧!地點也很方便，近觀塘MTR，大約10分鐘到去到! 可能因為疫情，私房菜也需要訂位的 ($258+10%)，最後當晚只係得我們四個人。我們被安排坐近廚房出菜的位置，因為得師傅一個人煮食物又要照顧我們的需要，都好忙碌! 但師傅掌握時間十分好，每碟素菜之間不用等很久，一煮好就即刻送到我們的枱上，每一碟都係熱呼呼呀! 整晚的食物質素都好好，特別係素叉燒，佢既味道同真的叉燒係無分別，仲可以整到有燶邊的效果，真係好利害呀! 我都忍唔住問師傅點整，原來係用麥芽糖，唔怪得入口甜甜地..除了熱食精彩，素沙律都要但得一提，O的鮮百合真係整得好爽脆同埋野味...真係用了不到10分鐘就已經吃完....經過今次既素食私房菜，真係再要去試一O下其他的餐廳先!! 

新年果陣去紫竹林素食訂左個盆菜，之後順便食埋餐飯，仲買左啲其他野食，依家一次過匯報返先！先講個盆菜，食過幾間素盆菜，一係就太多素肉，一係就唔係好夠味，但紫竹林依個就真係色香味俱全。鋪喺面頭既係佢地既招牌叉燒，夠哂味之餘仲有啲燶邊效果，睇得出係用心製作。除左啲素鮑魚之外，成個盆菜都係天然食材，用料足，份量夠，而我最欣賞係啲自家製肉丸。下次再買盆菜都一定黎依度，包保冇伏。拎盆菜果日係初一，順便食個午餐，但點知假日冇得成平時既午市套餐，我好想試肉骨茶同糯米飯呀...點餸果陣唔記得左個盆菜已經有叉燒，結果一日食左兩次叉燒，不過堂食又係另一返滋味，有少少外脆內軟，好正。黑松露炒飯夠哂鑊氣，一碟飯兩個人食就啱啱好。又食又拎既除左盆菜，仲有純素瑞士卷同琥珀合桃。細個果陣好鐘意食瑞士卷，自己一個啪一條當一餐都得。一般既瑞士卷都有蛋奶，vegan唔會食。喺我以為一世都食唔返以前果種味果陣，竟然發現紫竹林素食有純素瑞士卷賣。訂果陣問左老闆個瑞士卷係咩成份，佢又淨係答我冇蛋冇奶，可能係商業秘密唔比得人知啦。Vegan左6年，真係未食過咁鬆軟既蛋糕，鬆軟得黎又好有彈性，捲做瑞士卷都唔會斷開。啲cream都好綿

抗疫抗疫期間，當晚外賣二人份量：風味辣子雞：非常惹味，過癮👍 身旁食肉獸連連大讚番石榴猴頭菇：酸甜清新，配搭出色有驚喜👍食肉獸再次瘋搶星洲炒米：火喉很好，不油膩👍等待外賣的時候，買了素餅乾、蠔油、辣豆瓣醬。（後記：我用了辣豆瓣醬煮冬菇木耳栗子豆腐，味道很好，有原顆豆瓣在內，口感👍 ）店內也有自家製素xo醬、蜜合桃等供選購🤤🤤下回務必要點個xo醬做的菜式，口味合適的話就買一樽回家慢慢品嚐。初次接觸紫竹林和大廚，作風樸實低調，屬默默耕耘型。為表支持，寫下第一篇Openrice食記，希望推介給更多對飲食有追求的同好。期待再次去紫竹林嚐嚐其他菜式！

［素食新體驗］慢慢開始健康飲食、多菜少肉，友人開始帶我食素食，不知道是不是素食越來越受歡迎，不少素食店的料理令我大開眼界從基本的素牛、素豬、素雞，到素食三文魚、回鍋肉、麻辣雜錦等，食物真是多元化這間位於觀塘工廈的素食店，絕對是隱世小店因為店主自己經營，想食有「鑊氣」的小炒，這間小店絕對推薦餐牌的選擇多，可以慢慢挑選，三菜一湯或兩菜一湯都沒有味道先來一碗蕃茄湯，清甜，可以開開胃川味回鍋肉用豆皮整的回鍋肉，好特別，而菜炒得非常好味，很有鑊氣，而且辣味恰恰好酸辣米線最令我有驚喜之一的就是這碗米線，酸辣味道非常好再加上米線和配菜，絕對值！比起外面的酸辣米線，這碗絕對不差叉燒飯這碗叉燒飯的叉燒，味道對於不是素食者的我而言，是很吸引，沒有一般叉燒的油膩感，非常推薦最後，另一道令我驚喜的就是這碗胡椒豬肚湯！胡椒豬肚湯原本是粵菜中的一道老火，喝這湯會有健脾暖胃的功效，冬季飲這湯也驅風散寒的功效，沒有任何肉的成分，但味道同效果絕對一流，飲完個人很暖和

觀塘商廈內的素食店，間中吃吃素也是不錯的。入內環境是座位安排分別在左右兩邊，中間位置放有一列長枱放有不同素食品可供選購。2餸飯，3選2，生煎蓮藕餅，蓮藕切成細粒條混粉成餅狀，原味無增添額外的調味料，新鮮脆爽，只是畧為覺得份量少咗些。北菇紅燒豆腐，大大塊鮮冬菇片爽軟，紅燒豆腐軟淋，炆得入味之餘又唔鹹，這款就份量較多，可以彌補一下。青紅蘿蔔湯，雖是齋湯但青紅蘿蔔煮出來的味道也很清甜。此處可添湯添飯，但重點是不要浪費。

觀塘嘅工廠有好多隱世美食，其中依間幾好食，食物質素真心好高。有時食下齋對身體幾好，所以黎試下依間餐廳，今次叫左個餐，依個餐係煎藕餅同素蝦醬炒雜菜，仲有個南瓜雪梨湯。好多人都話齋唔好食，但食落唔比肉差，個湯仲好潤添。

難得平日放假，專程坐車🚌過海來嚐紫竹林的酸辣米線$50🍜。素食的酸辣米線，除了出名的滕王閣外，似乎不多見了。嘩，好豐富呢～因為好肚餓，要求師傅加多一點米線。（所以大家若太餓，要求師傅加多點米線都沒問題，因為此店一向是湯飯可再添的）🤗碗內的2只素菜手工水餃🥟🥟，是額外加$10有的，所以總共是$60。先嚐湯底，不會太酸太辣，湯喝了也不會口渴，味道剛剛好， 所以我把湯全都喝光。😋👍🏼👍🏼👍🏼（當然想吃辣1點，亦可向師傅要求）如相片所見，食材有豆卜、我很喜歡的潮州花生、雪菜、青紅椒碎以及芫荽。整碗米線吃來是清新美味，味道都是剛剛好。😙至於水餃，再介紹1下，是皮薄饀新鮮，有胡椒香，所以吃起來一點不味寡。而且師傅堅持人手刀工切菜😲，因為這會比削切器切出來的更出味。之後餡料也會放鑊炒香。這個配搭，既可吃素食酸辣米線，又可以入門價$10兩只價試食此店的招牌水餃🥟🥟。相信吃過這水餃後，也會很回味。手工水餃是$80一打，聽起來的確不便宜，但能吃到健康美味又多心機的水餃，仍是值回票價的。😉🥟🥟🥟🥟🥟🥟🥟🥟🥟🥟🥟🥟

終於試到了紫竹林的荷葉飯$60，吃第1口就吃到了當歸味，材料有冬菇、新豬肉等等，也吃到這飯味道的層次，冬菇香之餘有淡淡的當歸味，既健康又有食療補血作用。但缺點是咸了點，要喝水喝湯解渴。店主 很好，說會向師傅反映意見，下次輕手1點。另外今天的南瓜湯也很好喝。結果喝了3碗呢～可惜的是今天正斗水餃買完了，沒有得打包這裡還有純素古早味蛋糕、純素蛋糕仔、純素曲奇餅甚至純素生日蛋糕訂做，也有不少素食小食、醬料，自家炒造的合桃等可買。

再嚐的美味，手工水餃由$60食到$80，還是覺得值得的。昨天店主還告知以人手刀功切水餃饀材料，會比用削切器切出來的，較好吃的。雖然我不太明白理由，我想是饀料細緻點，味道會更出，也搓揉時較易。所以煮這美味的薄皮水餃，要企在廚房吼住慢火煮，否則易穿皮。$80一打，所以1定要好好招呼，煮破就嘥料了。好，出完呢個帖，就熄火dinner 了。