萬寶素食館 (已結業)

打边炉系冬天少不了既活动，个个打边炉都话要食肥牛，听到素食边炉就以为得菜会好dry，但其实素食边炉一啲都唔dry，而且仲好正添！素食火窝有四款汤底，我地拣左鸳鸯汤底，一边系清汤，一边系沙嗲。落单前问左阿姐沙嗲汤底有冇蛋奶，佢话啲师傅都系咁食，咁应该即系冇蛋奶啦！火窝料可以散叫，但如果唔想用脑就可以叫什锦火窝，乜都有啲。我地又问多次阿姐啲火窝料有冇蛋奶，佢话得个素鸡柳有蛋奶，可以帮我地换第啲料，好贴心。我地叫左一个大既什锦火窝，真系好大盘！素料啦、菜呀、菇同好多豆腐。唔钟意食素料既可以考虑散叫。另外仲叫左个好多人都推荐既炸水饺，就咁食又得，放落汤当响铃咁食都仲得。除左打边炉，万宝仲有任食生果，当晚既生果有木瓜、梨同蕃石榴。负责既叔叔成晚不停手咁去切生，唔洗担心啲生果唔新鲜，啲姐姐仲系咁提我地去拎黎食，好贴心呀。万宝既装修系旧啲同老土左啲，坐亦未必坐得好舒服，但味道同服务都令人好想再黎encore！