有運燒味飯店 (已結業)

呢间烧腊档新开冇多久，礼拜日中午过来，想食饭既好舖头又栅晒，系赶时间情况下又见呢度几多人帮衬，估计应该几得。坐低唔出声阿姐已经啰定碗例汤过黎，清补凉鸡脚烧猪骨，鸡脚烧猪骨全部下栏野，淡汤清淡如水，可有可无。叫了碗烧肉鸡饭，烧肉层皮真系脆道索索声，而烧肉肉味唔错但偏淡，跟永合隆相反，钟意死咸既呢度唔会系你杯茶；切鸡应该系新鲜鸡，但鸡种唔好，鸡肉唔算浓，要的姜蓉补够。廿皮一碗双并，似乎单买烧肉已经够，切鸡都系唔得，总分打成平手。临走前见到大大只字写正宗烧鹅皇，似乎烧鹅皇都系呢度既皇道。