有運燒味飯店 (已結業)

有人情味舊式燒味店係呢頭返工，所以長期都係中上環覓食，發現上環區嘅燒味店都幾多，至少有10間以上，而呢間有運燒味店睇落佢嘅裝修都係比較舊式嘅，應該有返咁上下歷史☺️，佢位於上環尾，近西營盤位置嘅地舖，好容易就會見到佢嘅蹤影！我同朋友繼續抗疫嘅宗旨，選擇繼續外賣自取返公司食，我地兩個一打開個飯盒就好驚喜，用料非常豐富，唔似得外面嘅飯好多，肉得幾舊，呢度係啲肉多到幾乎見唔到飯🔆🔆我叫叉燒燒鴨飯，佢仲俾咗隻鴨脾我添，鴨髀肉質嫩滑，叉燒半肥瘦，好啱我嘅胃口😍！朋友嗰盒個叉燒就略瘦，不過燒肉個皮就十分之脆口，我哋都好滿意，鍾意食燒味嘅人士一定要幫襯👍

香港人成日都想食燒味，因為燒味係香港嘅特色，好多人話 其他地方都食唔到香港嘅味道❤️！呢間有運燒味位於上環皇后大道中尾段地舖，係一間舊式店舖，一入到去，店員就好熱情介紹今日有咩好食，知道我打算外賣自取，就介紹我食佢哋嘅滷水乳鴿，外賣仲比堂食便宜10蚊添👍，同埋乳豬拼燒鴨飯，返到屋企打開個飯，先發現佢地俾左燒鴨脾我😁，好正！滷水乳鴿好濃嘅滷水香味，鹹味啱啱好，乳鴿肥瘦均好👍乳豬個皮仲係好脆，加埋有燒鴨髀，令今日我同老公有個完美嘅燒味午餐👍👍👍推介👍👍

小妹今天很想吃燒味，但為了省錢，決定放棄龍記，試一試有運。一進店舖，每張檯都有1-2人坐，亦已有數人都等外賣，其中一名是外國人。心想，這間餐廳的水平應該不錯，連老外都欣賞。老闆看到我，立刻招待。坐下來，店員立刻下單，叫了切雞飯少飯。下單後，店員就放下餐湯，是節瓜湯，材料充足，味道不錯。過了數分鐘，切雞飯到。雞肉份量足夠，味道中上，值得再來吃。在吃東西的過程，我也有留意店員的態度，幾乎每一位客人下單都有特別要求(如少飯/走汁等)，店員都會仔細記下要求，態度有耐性，值得一讚! 唯一不太好的地方是冷氣太大，飯也到一半已冷掉，看來要跟時間競賽才可吃到熱飯。最後結帳$35元，在中上環這個食肆林立的地區，算是價廉物美。

今日下午我們去上環濟公廟拜神，但喺拜神前我們去咗咁多年一直去開喺廟附近嘅「有運燒味飯店」買隻白切鷄！喺拜完神之後我們攞返隻白切鷄去叫師傅幫我們斬開嚟食，鷄肉嘅肉質非常鬆軟嫩滑，而且相當肥美大隻！另外我們再叫咗燻蹄叉燒飯嚟食，燻蹄嘅質感好粉嫩爽口，外皮亦好爽脆彈牙，但就略嫌切得比較薄身，如果係厚切嘅話，口感會比較好，而叉燒嘅肉質就有啲乾身，但都算鬆化，蜜汁嘅味道亦好香甜！至於老火例湯就不過不失，唔算係好濃郁！

又一個人係上環hea，門口見到呢間燒味好似好正咁就衝咗入去haha要讚讚佢地個店員（又或者係老闆？）幾好服務，又好客見有唔少外國遊客嚟佢都好熱情咁介紹啲菜色好啦回正題我揀咗個叉燒+燒肉雙拼，都只係$38，都幾抵呢個價錢我又冇諗過佢會包一碗幾正既老火湯其實味道都只係話係合格，不過份量OK叉燒大部份都係瘦肉，燒肉瘦肉為主而且得2塊皮仔好似乾啪咁又好彩佢有個湯，唔洗食得咁dry但總括嚟講都係食得高興嘅lol 完

身為香港人, 常常都會想吃燒味。也正如很多人, 久不久都會想飲茶。當天走到「有運」的時候, 看到門面很乾淨, 入面也是好整齊。燒味癮起! 所以, 更是不加多想就走入店內, 自行搵位坐。一坐下去, 店員就先遞來一大碗湯, 有青紅蘿白, 並不是很好飲, 但總比沒有的好。燒鴨飯 HKD 35.00以35蚊來說, 真的好抵! 因為燒鴨真的很多! 而且, 我很幸運地, 吃到鴨脾! 哈哈, 是真的脾位, 平常要加錢才能吃到呀, 所以我對這個飯十分滿分。雖然, 燒鴨皮有點過肥, 不過也沒關係啦! 肉還是很香, 很多汁。鹵味飯 HKD 35.00這個飯是個驚喜, 因為沒有想到會鹵味的份量這麼多。有豬耳, 生腸, 豬肚, 紅腸和豬脷, 餸真的很多。而且, 樣樣都OK, 沒有一樣是不好吃的。這個鹵味飯超值! 簡簡單單地吃了一個late lunch, 快, 靚, 正!

今日下午我們上環濟公廟還神，還神當然要買祭品，所以我們去咗廟附近嘅「有運燒味飯店」買燒腩仔！燒腩仔嘅皮燒得非常鬆脆香口，肉質相當鬆化軟滑，唔會有好多嘅脂肪，味道亦唔會好鹹！另外！值得一讚嘅係其中一位燒味師傅好似知道每位嚟買燒臘嘅都係去拜神，所以佢就會問我們燒腩仔你們想原條唔斬開，定係想斬開一件一件？而且語氣態度都幾有禮貌，真係值得一讚！

對不起 請見諒 本人對廣東的燒味真的情有獨鍾 而有運在未轉手前 的確係是高水準之燒味店 但是我在剛周一舊地重遊 發現坐位及牆上餐牌已經不同了，再渴一口例湯 發現唔湯唔水了 到了我的雞鴨雙併飯到了 飯唔熱 鴨肉死實實 白切雞都唔想講了..... 我最後也是是但但食完閃了，對不起 現在這店或許已由主理快餐或食堂質素的人打理吧⋯⋯這麼粗製濫造 我真的不願再去一次 而如閣下不相信 可以試試（本人自認 真的對燒味飯有要求 所以這店 不去也罷）心碎

上環真係好多上左年紀既食店!近排如果lunch諗起食燒味, 都會自動波去有運。一碟叉肉飯 + 花生眉豆湯叉燒唔係通街見到紅當當個種, 呢度色水淡好多, 味道依舊, 證明無加色素, 正!燒肉, 皮脆肉嫩, 白飯亦粒粒分明, 好!D湯雖然有D淡如水, 但36元兩餸飯再送碗湯, 係上環呢D地方, 老闆算對得你住有餘。

以前在中環工作，上環街市一帶是我間唔中都會到訪的好地方，不過當時人工不高，來來去去食的，都是茶仔燒臘。這一次來到了上環，又不想多花費了，於是我把目標放回在茶仔同燒臘店，而心中一直想吃多點肉的我，決定食燒臘，而我就看見了這細小的《有運燒味飯店》，隔了多年，決定再來。小小的燒臘店，生意很好，中午飯的這一個時段，座無虛席之外，來買外賣的人也是不絕的，所以小店把整個斬料檔口都掛滿了，因為看這人流，一個中午飯時段，係有機會賣得晒的。我一個人，堂食找個位不太難，堂食不要其他飲料的話，就會有一個例湯。是日的湯是一個簡單的家庭式青紅蘿蔔湯，很開心地飲得出此湯是沒有味精的，肉味、蘿蔔味就是這湯的味道，飲得很開心。而飯，我配搭了叉燒同燒鴨，鴨肉雖不厚，但味道已經夠香，雖不肥美，但入口有足夠的鴨油香，很是可口，若是皮再脆一點，應該會更好。而叉燒，入口帶甜，質感亦夠腍，再加上有少少肥，很是美味，蓋在熱熱的飯面上，感覺更佳。多年沒來了，水準不變，亦依然有老外純熟 order 燒味飯盒。

今天家人都去了外遊，家中無火鑽，一個人晚上找點吃，因為下午飲茶吃得太飽肚，早一晚在蓮香又吃了不小，今夜只想吃些簡餐，便想到食碟燒味飯，在上環街較有質素的除了新園之外，在甚具歷史意義的水坑口街旁，還有這間有運燒味，它的出品一直也很穩定，不會時好時壞，能夠給客人信心。 這兒的燒味飯跟一般燒臘店，有碗及碟的份量供客人選擇，全部都寫在傳統紅底白字的餐牌上。叉燒切雞飯，我要了一碟叉燒切雞飯，叉嬈和切雞切好後，整齋地鋪在飯面上，賣相幾討好，我的經驗賣相跟食味通常都成正比例，落單時忘了吩咐伙記要肥叉，不過飯面的叉燒雖然是全廋，但肉質幾嫩身不會又乾又鞋，切雞是脾位，表皮只有薄薄一層糕，在本地一般食店鮮有用上鮮雞，奢求雞味可謂有如刻舟求劍，師父掌握好浸雞時間，令肉質夠嫩滑已算好貨式了。 不要忽略白飯的重要性， 店家似是用了絲苗混合了油沾米才能煮出飯粒分明，軟硬適中的白飯，淋上燒汁在飯上也不致變腍身影響口感，飯煲像一隻大桶，要控制米水量和混合米的比例，真是要有點功架，才能煮出一鍋靚飯。堂吃都跟是日例場白菜煲廋肉湯，湯中有些連白菜的湯渣，都算提供一些纖維質，肉湯中的油捌得不夠凊，稍稍油膩了一些，這方面

我知道上環皇后大道有兩間燒味飯店，呢間近 International，另一間喺 7-11 附近。呢間比較平啲，所以一試！幸好今次無咩人排隊。叉燒飯 $24叉燒夠多，有成 10 片，我無要求肥定瘦！俾咗瘦叉燒，都 OK！飯屬普通貨色，算有飯香，軟硬適中！仲有買外賣飯盒送紙包飲品，不是維他飲品，好過無；如果堂食則送例湯。

今日走經上環一帶，到下午二時許才吃飯。由於肚餓關係，於路口位置見到燒臘店掛起的燒肉頗吸引，二話不說便入內一試。小店如一般舊式燒臘店般缺乏豪裝，位置不大，客滿僅能容十多人。由於已過午飯時間，是日客人不算多，點了個雙併燒味飯比奉送的例湯還要快上檯。 例湯：為眉豆花生雞腳湯，以跟餐的「例水」而言，味道算是不差；吃不出味精，就算有，份量也不會多。 燒肉切雞飯：一心想吃燒肉，見雙併價錢相若，就加個切雞吧。燒肉肥瘦適中，味道不會過份鹹，但最出色的是外層那片脆皮，入口非常香脆，咬開像吃薯片般發聲，而且份量也不少，推介之作。切雞在沒有要求下也給了雞髀位置，讚；而雖用上新鮮雞，但雞味不太明顯，有幸雞肉嫩滑，不會肥得拖著厚厚肥膏，算是合格。 雙併飯連例湯索價 $26，比大型燒臘店便宜，而且質素絕不遜色。如路經碰巧想吃燒臘飯，不妨試試有運。

嘩! 同公司埋尾真係唔簡單, 星期六同老細交代文件同Audit 既野搞到成三點先閃, 心想著叉燒, 指引我再來上環, 行裹少少到平日中午不會再遠行的上環深處.一入門口, 見眾師傅們在"湯" 金豬, 正在處理大Order, 見金豬咁靚, 當然整個叉燒燒肉飯啦. 燒肉皮認真脆, 叉燒夠哂半肥瘦, 質素不錯. 例湯夠哂老火, 冇味精. 一個師傅送完金豬回來, 大笑送豬到會場時, 責備客人拜神把金豬位置擺錯, 豬尾不能對著神位啊......師傅真盡責.忙著大Order, 都出得好快, 甚至有老外光顧, 仲要係熟客.

2007-07-12堂食外賣一樣價錢﹐不過堂食有湯飲﹐外賣只可揀樽裝/紙包飲料一盒。通常湯水都有味精﹐所以不喝也好﹐見這裡環境一般﹐天氣又熱﹐還是外賣回公司吃為上策。這裡有排隊制度﹐自己拿著飛仔排隊﹐不像其他附近的燒臘店都是付了錢﹐櫃檯想廚房大喊一聲個order﹐之後你站在門客等﹐經常見到後來先上岸的情況﹐這裡不會有﹐算好。不太清楚這裡出名的是什麼﹐求其要了叉燒油雞飯﹐也沒有特意要什麼部位﹐卻得到帶少少肥的瘦叉燒和半隻雞脾+ 一件雞胸肉﹐都算不錯。叉燒好淋﹐不過太淋了﹐反而令我想太多﹐而且味道也只是一般﹐沒有我喜歡的蜜味﹐只有鹵水汁的味﹐麻麻。油雞就可以喇﹐算嫩滑﹐連雞胸肉都滑﹐難得。叉燒和油雞都是附近的新園比較好﹐不過就是不喜歡他們的飯﹐總是太淋的。排隊時見好多點/食燒肉/乳豬﹐下次可以試試燒鵝(見樓下介紹) 和乳豬/燒肉﹐好就可以繼續幫襯﹐否則都是新園算了。