影片
更多
2023-10-12
3324 浏览
好少有啲餐厅去过冇印象，很久不见嘅朋友约食饭，地点就系紫玉兰，以为自己未去过，见到自己无食过嘅餐厅通常冇比任何意见，就去啦。点知去到附近就觉得有少少印象，才知道10年前有一日约过一班旧同事喺度食饭，仲要系我自己拣。十年之前已经好多人会成日叫我选餐厅，记得当时要价钱唔天价，又要得体又要好食而又唔算fine dining嘅中餐，当时又无咁多budget，用一个唔错嘅价钱系一个唔错嘅地方食餐好嘅中菜，已经系几难。好似今晚咁，地方舒适，服务好，食物质素，咁嘅中菜，市场上讲真好多，但呢都好在有一个私隐度。玉兰三小碟，全部都好精美，最喜欢系海哲头同个加左好多麻油嘅莴笋，腐皮卷都好好。听讲脆煎灌汤小笼包好得，一定要食，够底做得好脆，个包又有肉汁，肥美又好食。宋嫂鱼羹系我最like嘅菜式，热腾腾又足料，鱼肉很孵，最重要佢维持到个温度，热到席上嘅女士都食左成个钟先食得完成碗汤。朋友点嘅满口香炸八块，我完全唔知系咩，佢话卖关子，点知，上枱一刻，全部人都好惊奇。完全系好似KFC一桶鸡一样，只不过系差一个桶，无谂过系酒家都可以食到咁有创意嘅菜式，而味道更加系无谂过，炸得非常好，中菜用炸子鸡嘅做法就叻，但佢地做
好少有啲餐厅去过冇印象，很久不见嘅朋友约食饭，地点就系紫玉兰，以为自己未去过，见到自己无食过嘅餐厅通常冇比任何意见，就去啦。
点知去到附近就觉得有少少印象，才知道10年前有一日约过一班旧同事喺度食饭，仲要系我自己拣。
十年之前已经好多人会成日叫我选餐厅，记得当时要价钱唔天价，又要得体又要好食而又唔算fine dining嘅中餐，当时又无咁多budget，用一个唔错嘅价钱系一个唔错嘅地方食餐好嘅中菜，已经系几难。
好似今晚咁，地方舒适，服务好，食物质素，咁嘅中菜，市场上讲真好多，但呢都好在有一个私隐度。
玉兰三小碟，全部都好精美，最喜欢系海哲头同个加左好多麻油嘅莴笋，腐皮卷都好好。
听讲脆煎灌汤小笼包好得，一定要食，够底做得好脆，个包又有肉汁，肥美又好食。
宋嫂鱼羹系我最like嘅菜式，热腾腾又足料，鱼肉很孵，最重要佢维持到个温度，热到席上嘅女士都食左成个钟先食得完成碗汤。
朋友点嘅满口香炸八块，我完全唔知系咩，佢话卖关子，点知，上枱一刻，全部人都好惊奇。
完全系好似KFC一桶鸡一样，只不过系差一个桶，无谂过系酒家都可以食到咁有创意嘅菜式，而味道更加系无谂过，炸得非常好，中菜用炸子鸡嘅做法就叻，但佢地做炸鸡原来都可以咁好。
北京葱爆炒鲜牛肉，配上嘅仲有京点包点可以包住成件鲜牛肉同大量葱丝食，就咁食就可能有少少咸，送包就刚刚好。
龙虾球麻婆豆腐系当晚最正嘅一个菜式，龙虾肉完全唔驶搞就有得啖啖肉食，麻婆豆腐辣唔辣就见人见致，我就好钟意，朋友话太辣，叫左个白饭，成碟一𣊬就清掉。
当然要吃一点菜式，金华火腿炖津白个津白真心好甜，金华火腿嘅质素系高质的。
爱上雪里蕻丝炒年糕那种烟韧度，雪菜味度同年糕浑然天成，好配合。
甜品点了香格里桂花拉糕，做得劲靓，味道都对办。
配合佢嘅位置，绝对系商务食饭嘅最好选择，晚上同三五知已食就更佳，还记得那年一起来吃饭的那班同事，不知你们好吗？
张贴
