紫荊閣 (已結業)

酒楼位于酒店内，由于系新开既关系，人流较少，环境宁静，星期日唔想同人地争位既街坊可以黎呢到试下。椒盐鲜鱿，鱿鱼肉质弹牙嫩滑，表面香脆，唔会炸得过油，炸粉唔厚，经过豉椒调味，非常可口。烧卖大大粒，虽然睇相唔觉，烧卖入面有一只虾，虾肉弹牙爽口，猪肉较平时食既嫩滑，屋企人劲钟意食。虾饺既饺皮簿而弹牙，卖相精致，入面虾肉大大只，好弹牙鲜甜。榄角蒸排骨，排骨肉嫩滑新鲜无雪味，望落可见肉质有几靓，由于加了榄角，排骨多了一分难得既清香榄味，系少有食到靓排骨。xo酱炒肠粉，肠粉较几嫩滑，但唔系最嫩滑，不过不失为早餐既一个好选择，够饱肚呀嘛。