影片
更多
2016-02-08
325 浏览
今日突然兴起去到太安楼食宵夜。老婆话有间紫薯手抓饼，于是就慕名过嚟。我一路以为系紫薯做馅嘅手抓饼，点知嚟到先知，原来系紫薯饼底。咁ok啦可以包D红豆呀雪糕呀应该几好食，点知睇嚟睇去都系咸嘅馅，我心谂，咁咪又咸又甜好奇怪…？算啦一场嚟到，试咗先算。$26嘅紫薯手抓饼，有好多馅料配搭可以选择。老婆净系话一定要有肉松，我就拣咗芝士吞拿鱼肉松。即叫即整，喺等紧嘅时候，先知系可以自选配料，每款$4-7，而紫薯饼底就$16。不过跟返佢d配搭会平几蚊。紫薯饼一到手，热辣辣不在话下，一咬，好食呀！首先紫薯饼底原本冇乜期望，但系估唔到个紫薯味都几明显，而又做到外脆内暖。仲有就系手抓饼通常最怕佢太油，但系呢个饼底keep到干身(睇下张相个纸袋都冇渗油)。馅料份量非常足，芝士溶晒落去，同沙律酱、吞拿鱼、肉松非常之夹。每样都好足，而每样都食到。半咸甜方面，我觉得都可以接受，始终紫薯唔系话十分甜。不过我觉得如果佢推出埋甜嘅口味俾人选择会更好。总括嚟讲，不负所望，值得encore！
我一路以为系紫薯做馅嘅手抓饼，点知嚟到先知，原来系紫薯饼底。咁ok啦可以包D红豆呀雪糕呀应该几好食，点知睇嚟睇去都系咸嘅馅，我心谂，咁咪又咸又甜好奇怪…？
算啦一场嚟到，试咗先算。
$26嘅紫薯手抓饼，有好多馅料配搭可以选择。老婆净系话一定要有肉松，我就拣咗芝士吞拿鱼肉松。
即叫即整，喺等紧嘅时候，先知系可以自选配料，每款$4-7，而紫薯饼底就$16。不过跟返佢d配搭会平几蚊。
紫薯饼一到手，热辣辣不在话下，一咬，好食呀！
首先紫薯饼底原本冇乜期望，但系估唔到个紫薯味都几明显，而又做到外脆内暖。仲有就系手抓饼通常最怕佢太油，但系呢个饼底keep到干身(睇下张相个纸袋都冇渗油)。
馅料份量非常足，芝士溶晒落去，同沙律酱、吞拿鱼、肉松非常之夹。每样都好足，而每样都食到。
半咸甜方面，我觉得都可以接受，始终紫薯唔系话十分甜。不过我觉得如果佢推出埋甜嘅口味俾人选择会更好。
总括嚟讲，不负所望，值得encore！
芝士吞拿鱼肉松紫薯手抓饼
$26
31 浏览
0 赞好
0 留言
张贴
