Next Station Dessert (已結業)

五月廿六日，六点半左右，同友人一行三人黎试下。一入到被安排坐高櫈位置，讲真其实唔太想，坐得好唔舒服，而且无櫈背既。一心谂住等普通位果边啲人走左，就调位坐过去。点知啲人食完都坐左好耐下。落左单四围望下先见到有个牌写住like fb 有九折，之后入到fb 睇又发现五月份叫心太软有半价优惠。梗系要嗌黎试试啦。搞到店员改左两次单真系唔好意思。不过店员都好好礼貌。紫薯窝夫食落好脆口，中间既紫薯味都好出，但略嫌紫薯份量少左啲，啲边位就有啲无紫薯味啦。另外有古力同枫糖酱点。芒果乳酪由于坐左bar 枱，杯野饮个杯又系好高，每次饮都要拎起，放返自己个水平位先饮到，有啲麻烦，又滴到啲水。味道方面略为淡味，不过就够大杯。焙茶心太软 配 金莎古力雪糕本人一向钟爱心太软既甜品，一冷一热，蛋糕加雪糕，多重口感，复杂既感觉响口腔内交织，每次食都会有种幸福既感觉。一切开见到好多浆流出黎，同友人第一句都忍唔住讲 太多浆啦，焗耐少少会蛋糕口感多啲，就会更好。焙茶既味道好出色，心太软系焙茶味都系第一次食，好香好浓郁，绝不欺场。古力雪糕亦好点晴，两样加埋都唔会太漏。