影片
更多
2022-06-24
2608 浏览
不时都会约晌同区工作嘅旧同学饭聚，不过，由于第5波疫情都好耐无约过出嚟。早前，疫情回落咗就联络吓兼约个时间出嚟食餐晏，点知最近啲数字又上番，你知啦，中环食晏时间喺超多人，大家都感觉无咁安心。不过，最后都照出，因为揾到间颇为静局，又有质素嘅意法餐厅「A Lux」，仲要就晌我公司附近。原址之前喺「Starbuck」，所以，一讲大家都知咩位置。但踏入餐厅，真喺估唔到焕然一新之后，感觉完全唔同晒，高格调得嚟，却唔会太过浊气而变得过份奢华，气氛盎然，古典优雅。 开放式厨房嘅设计，路过时传嚟阵阵香气，驻足一阵更可以睇到大厨们做菜嘅功架。我哋被安排坐近门口附近，仲见到少少「煤气灯楼梯」嘅街景，另一边就整咗个新派啲嘅「水帘洞」，别具一格嘅设计，非常别致。而枱上摆设嘅餐具，都高雅亮丽，当坐低之后，店员更会为你铺上餐巾，并介绍一下餐牌中部份菜式嘅亮点，当然，对任何菜式有咩唔明，佢哋都乐意为你解答。午餐时段，餐牌设有两款，一款喺3道菜嘅午餐（$428 / 位），另一款就喺6道菜嘅精选套餐（$980 / 位），虽然餐牌无写，但实际上都会奉送餐饮嘅。但需留意，午餐中，部份选择喺需要另外加钱。Bread Sele
原址之前喺「Starbuck」，所以，一讲大家都知咩位置。但踏入餐厅，真喺估唔到焕然一新之后，感觉完全唔同晒，高格调得嚟，却唔会太过浊气而变得过份奢华，气氛盎然，古典优雅。
开放式厨房嘅设计，路过时传嚟阵阵香气，驻足一阵更可以睇到大厨们做菜嘅功架。
我哋被安排坐近门口附近，仲见到少少「煤气灯楼梯」嘅街景，另一边就整咗个新派啲嘅「水帘洞」，别具一格嘅设计，非常别致。
而枱上摆设嘅餐具，都高雅亮丽，当坐低之后，店员更会为你铺上餐巾，并介绍一下餐牌中部份菜式嘅亮点，当然，对任何菜式有咩唔明，佢哋都乐意为你解答。
午餐时段，餐牌设有两款，一款喺3道菜嘅午餐（$428 / 位），另一款就喺6道菜嘅精选套餐（$980 / 位），虽然餐牌无写，但实际上都会奉送餐饮嘅。但需留意，午餐中，部份选择喺需要另外加钱。
Bread Selection等候上菜前，先嚟一份面包篮，有3款面包：意大利香草包、多谷麦种籽包及一款薄脆片，简单配上油醋，意大利香草包喺小弟嘅心水，除松软又有香草味之外，食得出面面仲洒咗少少盐粒，够正宗，而多谷麦面包带韧性，富口感，沾上少少油醋已好好食。温馨提示，面包仲可以添食架。
Lobster Bique (+$68)旧同学所选嘅前菜喺法式龙虾汤，咪以为就咁一碟汤送上，而喺先送嚟一份意式云吞，下底更垫有少许干邑泡沫，之后再由侍应将龙虾汤注入碟内，非常有气派。虽然小弟无试，但旧同学就赞不绝口，龙虾汤不单虾鲜味尽出，倒落去时撞匀啲干邑泡沫，渗出微微酒香，甚具画龙点睛之效，而且，口感丝滑；至于云吞外皮厚薄刚好，咬落烟韧，里面包住好多龙虾肉，鲜甜爽弹，加上外皮挂上少少龙虾汤，食起嚟就更浓香。
Lobster Bique
17 浏览
1 赞好
0 留言
呢一道意式生牛肉薄片真喺以生牛肉为卖点，敢将完完全全生嘅牛肉奉上，当然对牛肉嘅质素充满自信先敢做。薄薄嘅法国牛肉以手切平铺晌碟底，色泽艳红却唔会有半点血水，配上少少沙律菜、食用花，令卖相更好睇，再伴以鹅肝酱及松露蛋黄酱，以生牛肉卷起所有食材入口，集柔嫩、咸香、油润于一身，味道嘅层次丰富。
Beef Carpaccio, Foie Gras Terrine and Truffle Mayo
16 浏览
1 赞好
0 留言
Fettuccine, Red Prawn, Tomato and Basil (+$98)主菜方面，旧同学拣咗呢一款由店长推介俾佢嘅红虾宽条面，因为红虾嚟自西班牙，喺比较少食嘅虾种，而宽条面喺大厨嘅自家制出品，够晒诚意。一身鲜红嘅红虾，比一般虾种大只，虾鲜味比较浓，口感就有别惯常所知嘅爽牙，而喺带少少黏身；面条色泽偏橙，富蛋香，而口感柔韧有咬口，并且非常挂汁，讲到酱汁，更加入埋虾膏制作，自不然更具风味，将虾香味发挥得淋漓尽致。
Fettuccine, Red Prawn, Tomato and Basil
13 浏览
1 赞好
0 留言
小弟就简单啲，拣咗款美国顶级肉眼扒，选五乘熟，顺带一提，侍应上菜时都会为每道菜作出解释，讲讲食材嘅亮点，又或一啲特别嘅烹调法，就好似呢一份肉眼，位置就取咗最鲜嫩嘅边位肉眼盖，够刁钻。睇见成品，就知烧得啱啱好，外层带焦脆感，里面红润得嚟一啲血水都无，肉质软腍细致，却好有肉味，又富肉汁，件肉眼嘅质素非常之高；此外，伴有南瓜蓉、法边豆同南瓜脆片，虽然都好食，但略嫌南瓜蓉太少喇，食得唔够喉啫，哈哈！
USDA Ribeye, Pumpkin and Shallot Jus
14 浏览
1 赞好
0 留言
Ginger Crème Brûlée with Caramel Sauce甜品共两款选择，咁就唔需要多悬念，两款都可以试晒！法式甜品一向都喺卖相靓，单喺外观，两款甜品都如艺术品般，先分享呢一道姜味法式布甸，法式炖蛋带有突出嘅姜汁味，捞埋啲开心果仁碎、焦糖酱一齐食，感觉唔错。
Orange Chocolate Mousse and Chocolate Sponge Cake另一道喺橙味朱古力慕丝蛋糕，主角朱古力慕丝真喺做得非常柔滑，朱古力味浓郁而带点甘苦，再慢慢渗出橙香，味道非常有层次，兼且平衡而唔怕抢去其他食材嘅味道；旁边仲伴有好松软嘅朱古力海绵蛋糕，以及香浓嘅朱古力酱，以完美嘅甜味作结。
Orange Chocolate Mousse and Chocolate Sponge Cake
10 浏览
1 赞好
0 留言
Lemon Tea and Coffee旧同学要一杯热柠檬茶来消消滞，要欣赏嘅喺套茶具，非常雅致漂亮；而小弟最喜欢喺以咖啡嚟衬甜品，咖啡醇香四溢，只要豆靓，即磨出品，都差唔得去边，更窝心喺仲伴有一小件意大利杏仁曲奇，配咖啡确喺谱出美妙时光。
食法国菜喺饮食中嘅一种漫活，就算食午餐，都记得预留多少少时间嚟慢慢享受，唔单止食物，仲有环境同服务。
张贴
