影片
更多
2017-11-09
277 浏览
老实讲，对日式放题颇有戒心，中伏太多，偏偏大胃王男友又钟意食，听佢肥仔朋友介绍叫我地去创兴五楼食放题，好啦好啦，又接完佢收工，去完信和睇公仔 ( 点解男人个个星期都有公仔睇? )，就去左神舆日本料理到食晚饭。门面好靓，环境开扬，座位宽敞，有啲餐厅系你早成个星期book都比好差好迫嘅位你，食餐饭都唔自在，毕竟放题系食几个钟嘅饭，我觉得坐得舒服其实好重要。先叫左一轮刺身，师博好听话，写几多片就出现几多片，有少见啲嘅带子同象拔蚌，象拔蚌令人惊艳，好鲜美，我以为会冇咩味，惊了个喜！其他都新鲜有水准，甜虾够大只。炸物有秋葵（心心眼），唔系到到有，一见到点餐纸马上落order，炸蚝非常不得了你睇个炸浆薄到！放题好少食到咁薄嘅炸粉，必叫！寿司细细件可以叫多几款，不过我有严格唔比自己夜晚食太多淀粉，就冇叫太多一再encore嘅芝士焗虎虾，芝士、沙律酱加上焗虾，必胜组合。我食太多虾会敏感都偷鸡食左两只，请小心挑肉唔好整甩上面啲酱！薯蓉帆立贝，都系少见啲嘅野，帆立贝有鲜味(惊喜)，薯蓉够滑。劲大碟牛油炒杂菇，拉面碗黎，上枱时震惊，男友仲问我做咩嗌面食，......其实成碗都系菇，唔紧要！肉就考起我啦，菇唔
偏偏大胃王男友又钟意食，听佢肥仔朋友介绍叫我地去创兴五楼食放题，
好啦好啦，又接完佢收工，去完信和睇公仔 ( 点解男人个个星期都有公仔睇? )，
就去左神舆日本料理到食晚饭。
门面好靓，环境开扬，座位宽敞，有啲餐厅系你早成个星期book都比好差好迫嘅位你，食餐饭都唔自在，
毕竟放题系食几个钟嘅饭，我觉得坐得舒服其实好重要。
刺身
14 浏览
0 赞好
0 留言
先叫左一轮刺身，师博好听话，写几多片就出现几多片，
有少见啲嘅带子同象拔蚌，
象拔蚌令人惊艳，好鲜美，我以为会冇咩味，惊了个喜！
其他都新鲜有水准，甜虾够大只。
炸物
23 浏览
0 赞好
0 留言
炸蚝
13 浏览
0 赞好
0 留言
炸物有秋葵（心心眼），唔系到到有，一见到点餐纸马上落order，
炸蚝非常不得了你睇个炸浆薄到！放题好少食到咁薄嘅炸粉，必叫！
寿司细细件可以叫多几款，
不过我有严格唔比自己夜晚食太多淀粉，就冇叫太多
芝士焗虎虾
33 浏览
0 赞好
0 留言
一再encore嘅芝士焗虎虾，芝士、沙律酱加上焗虾，必胜组合。
我食太多虾会敏感都偷鸡食左两只，请小心挑肉唔好整甩上面啲酱！
薯蓉帆立贝
23 浏览
0 赞好
0 留言
薯蓉帆立贝，都系少见啲嘅野，帆立贝有鲜味(惊喜)，薯蓉够滑。
牛油炒杂菌
13 浏览
0 赞好
0 留言
劲大碟牛油炒杂菇，拉面碗黎，上枱时震惊，男友仲问我做咩嗌面食，
......其实成碗都系菇，唔紧要！肉就考起我啦，菇唔会肥，我包底！
牛油炒却不油腻，菇怪请随便order，你不会后悔。
焗蚝
15 浏览
0 赞好
0 留言
芝士焗蚝，蚝系痴壳的，唔系装假狗，真系原只焗比你，
好感人，我未食过放题嘅焗蚝系冇捞洋葱/杂菜，真系得蚝肉。
蚝肉都几大粒，鲜甜！
芝麻雪糕
13 浏览
0 赞好
0 留言
甜品要左芝麻雪糕，又系一个细心位，
我好少放题食得完一个雪糕，因为间间都雪得太硬，毕到手软，
呢个雪糕软硬好适中，唔溶但系又毕得入。
必须讲嘅系，服务非常好，会主动换碟，个个都有笑容，
当每间放题其实食嘅野都差唔多嘅时候，要比较就系比呢啲位，
食物几好，坐得舒服，唔乱上菜，价钱中等，
返工已经攰，真系唔想食餐饭都辛苦，今餐满意！
张贴
