好雪片片 (已結業)

大约是两年多前睇人地嘅食评发现左呢个楼上茶室，虽然话系茶室，但食物嘅选择都唔少（香港租金咁贵，即使系楼上舖，如过只卖茶相信几难维持），而最紧要嘅系，整体都好高质，加上环境清雅恬静，绝对系约朋友小聚嘅好地方。已经有一段时间冇黎了，本来想试下帆立贝南瓜意大利饭，可惜当日唔供应，所以就要左白酒香蒜蚬意粉。好开心水准冇变，蚬系新鲜货，排得好靓，意粉软硬度刚好，够爽身，有蒜片同少少辣椒煮好惹味，好快就KO晒。我嘅朋友要左蟹肉意大利饭，我试左一啖，饭系混入左蟹肉、蔬菜、忌廉同煮，都好好食呀！仲有叫左烧鳗鱼饭，个汁系自家调较过，好似加左少少酒，鳗鱼好香，我连饭试左一啖，都几正呀~ （不过我只系细意品尝，所以冇影到相）黎到呢度，我每次必食佢地嘅豆腐芝士饼，豆腐味超浓郁，又唔会好甜，加埋少少芝士嘅奶香，每一次都觉得好满足！同埋用蛋白同糖整成嘅小蘑菇，令卖相好可爱呢！我地仲试左柠檬挞，有柠檬嘅清香之余好醒胃；宇治抹茶卷蛋好大件，啖啖绿茶清香，中间嘅绿茶mousse 都好滑，伴埋红豆一齐食，系唔错嘅选择。食左咁多野，当然要饮d茶啦，我个胃唔系咁好，就饮正气d嘅普洱。呢度嘅普洱好清香呀，唔系出面𠮶d深黑色冇味