好雪片片 (已結業)

聽聞已久，最近才來過兩次，十分興幸在車水馬龍的旺角市中心有此清幽一角。一入門便感受到店主在禪修和品茶方面的愛好，環境異常清靜諧和。可選的食物不多，但不論味道和賣相都可以説性價比很高，特別喜歡他們的北海道帶子配蟹肉意大利飯及芝麻慕絲小蛋糕，當然我這門外漢每次亦會來欣賞一下他們的茶。至於服務方面，我想只可說每人際遇不同，我兩次的經驗都非常愉快，與兩位「服務員」/「老闆」都傾得十分投契。既然上來了，一切隨緣吧！

一心帶住開心既心情去食一餐飯結果換黎一肚氣。一入到去見到佢嘅裝修好舒服。當時只有一張枱客人，打去訂位嘅時候佢已經幫我哋安排咗位置我哋見到沙發有位諗住轉去嗰邊坐，但佢嘅語氣有少少不滿，好似已經唔耐煩,嗰位女員工對客人嘅態度好需要改善,我朋友唔小心郁到佢嘅枱佢就好緊張話「可唔可以唔好郁嗰啲傢俬。」同我哋落單嘅時候又皺眉頭唔耐煩問佢攞個碗都好似好有問題！如果嗰位女員工係老闆娘嘅話希望你見到依篇野能夠改善你嘅態度如果想食嘅朋友請你地慎重考慮一下雖然環境好舒適但係面對咁嘅招待真係會食足一肚氣

妹妹介紹去試下，免加一，價錢較貴，食物味道唔錯，賣相好靚、食到有heart。先講下個地方，一個茶室充滿寧靜既感覺，訂左位之下一家去食下野。果茶：味道似洛神花加雜莓，又似山渣既味道，解渴清新。北海道帶子配蟹肉意大利飯：帶子煎得岩岩好，大大粒好鮮甜爽口，好多蟹肉在飯內，味道好香，意大利飯煮得岩岩好，多汁。和風帶子明太子意粉🍝：呢個最好食，個麵好好食，好creamy, 食到放左好多明太子落去，黏住每一條麵，正😄。極上蒲燒原條鰻魚飯：賣相靚，但無驚喜。西京比目魚配珍珠米飯：無咩驚喜無花果芝麻蛋糕：呢個有好濃芝麻味，好香，加埋上面新鮮無花果好甜，底下既芝麻碎碎好香，成個食落去好滑好香甜甜地碎碎地咁好特別。總體來講叫魚飯就麻麻，其他都好好味，價錢較貴。

這是我第一次在open rice 寫劣評，但真的是忍無可忍，非常不愉快！從進門的一刻開始，招待我們的那位女服務員(或許是老闆娘?) 態度非常差。把餐牌拋到桌上，而不是放下。環境確實是不錯，廚房的女廚師也很有禮貌。我們是當晚唯一的客人，但那位女服務員帶朋友到餐廳來，吃著其他地方的外賣，並且大聲聊天，高談闊論。。。本來很安靜的環境瞬間變得嘈雜。突然，當我們吃完晚餐後，我們打算留下來聊聊天，她便跟我們說: 今天我們會早點關門。心想，如果你態度不好是因為我們妨礙你下班，這個理由是絕不能接受。如果不想打開門做生意，請你在我們訂座的時候便告訴我們當天餐廳休息，而不是要客人忍受你的惡劣態度。但公道説話是，食物是不錯，但態度忍無可忍，亦不會有下一次了。想去吃飯的朋友們，最好有心理準備。

朋友介紹搵到這間小店，室內寬倘，有不少人在嘆茶。已到的朋友提醒我填健康申報的資料，不料一名貌似老闆娘的店員（看到之前的評論也有提及過此人）手指指好惡的問我「你填咗未啊？做乜唔寫時間？日子呢？」說實在，如果喺澳牛，我會覺得非常正常。只是我在這麼清幽的小店，我當堂受驚，這𥚃服務跟這裏的禪意環境非常矛盾。如果不是有同行友人，我應該會唔食即走。心有不甘，我開始看OpenRice and google 的評論，發現有不少人有同樣的經歷。真是如有雷同，實屬不幸。看完評論之後知道不可ask for sharing plate 等等的潛規則，也不敢勞煩店員太多，只可以不衛生地sharing cake 和不敢叫他們加熱水入茶壺。金玉其外，敗絮其中。即使環境有多禪風，裝潢有多清雅，食物又多美味，也改變不了這令人委屈的經歷。

今次友人慶祝我生日所以比左三間餐廳我揀最後我揀左....🥚好雪片片🥚我相信聽到呢個餐廳名就好難想像整體係點唔怕話你知 我都諗唔到係乜名堂所以網上睇到餐廳好有特色當我們入到餐廳時會感受到有種和諧的感覺呢間樓上餐廳位於太子花墟擺放佛像及有關佛教的書籍浸透出有股平和的氣氛餐廳主要的係fusion菜同埋會留意到好似法國菜的風格此外 最有特色的係飲品主要係中國茶葉沖泡而出我揀左lemon grass本身我好中意lemon grass的味道有趣的是沖出黎的茶飲落係無違和感如果喜歡選擇特色的餐廳呢間真係唔錯！

仍然係最安靜嘅地方，係同朋友傾偈嘅首選，如果想慢慢坐，係幾抵。地方都好闊落，好開揚，整體感覺幾良好✨✨✨明太子帶子意粉🍝 好大隻帶子，但就煮得耐咗少少，個汁都好濃，份量細咗啲，我好細食，都係剛剛好夠飽。不過睇落唔知點解燶燶地😹😹😹雜菌意大利雲吞🍽我無食，朋友話ok，但目測都係份量偏細😳😳😳水果茶🍵🍵🍵無咩特別，正正常常～有諗過試其他茶，但係都幾貴，所以最終都係放棄咗……😛😛😛

食品好。環境舒適。的確是休閒的好地方。但有位女職員抑或是老闆(我也不清楚)令我覺得下次也不想再去。暫時亦不會介紹朋友去。我們弄汚了墊枱紙，要求更換張新的，她堅決不能更換，說是環保！我們三人叫了兩款甜點，想大家分享一點，禮貌地問多取一隻小碟同义子。不料，職員怎樣也不肯给我們。說餐廳原則上是一人一份餐的！！結果我們就多叫了一份甜點品。我們明白全餐廳只有兩位工作人員，可能人手不足，我們說可以自己清洗多用了的杯碟同义。但她也是堅持不给客人。另一位負責烹廚的女士，態度就親切很多。

話說我地7點幾到左,但我地勁飽, 不過好頸渴,所以諗住叫左茶先, 晏啲先叫野食 都知道佢要最低消費一人一個main course. 但個年輕啲既女職員竟然話“下 唔得 我地收10點 要宜家即刻order埋” 但宜家明明先7點半⋯同埋Openrice係寫收11點幾嫁喎啲態度好串-_- 之後啲茶黎到, 又唔講俾我地聽係咩黎我地要靠自己估⋯ 茶同野食okay 既,另一名年紀大啲既女職員態度都好,但個名相對年輕啲既女職員,佢啲態度令我唔會再想幫襯。

House of moments (太子)玫瑰花茶黎個度好好架 會同你不聽添熱水 同你沖花茶基本上無時間限制 個花茶好香 淡淡的玫瑰味 幾易入口有少少水果的香味 另外會怕你苦 額外會俾一壺仔蜜糖你 加落個花茶度而且仲更加香環境真係好leisure 靜靜地 無限時咁制傾計 或者安靜做自己野又得 好欣賞黎度的經營態度另外仲有cake spaghetti 等等的野食但正餐比較貴 而且大家記得要book位呀!!😆 Overall: $45 (9/10)

我最喜愛的Cafe之一，特別中意食呢度既甜品。🍰豆腐芝士蛋糕係呢間餐廳算係最受歡迎甜品之一😆👍據說係用左整芝士蛋糕方法整，但其實唔係太濃芝士，加左豆腐真係令成個味道升華再升華！好清新好易入口，連平時唔係好食芝士既朋友都好中意食而頂上兩粒磨菇仔係用糖霜整入口即溶🤤🍰熱情果芝士蛋糕香濃既水果味，熱情果整既芝士蛋糕都幾特別。雖然個樣好似芒果布丁，但味道都唔錯😆唔會好重口味！🍰焙茶芝士蛋糕焙茶本身係比較甘，估唔到整左芝士蛋糕會比芝士搶左原本個種甘香，反而呢個有小小膩👌

即興嘅約會，係花園街睇完花，好想搵個地方傾下計，食小小嘢。呢間係其中一間我想去食嘅，2019年尾有呢個機會啦。入到黎環境好靜，人客唔算多。揀左梳化黎坐，幾舒服。呢度係品茶地方，唔難睇到砌茶嘅器皿。如果你喜歡茶，呢度都真係好多選擇。雖然見到有像，但食嘅都唔係素食，亦有肉類揀。（忘記左朋友叫咩添😅）青醬煙三文魚意粉，138元。三文魚整到好似花片咁，好靚呀。青醬意粉做底都幾特別，幾香草味，兩者都算係夾嘅，伴碟幾有心機。蒲燒鯛魚腩拼玻璃虎蝦，158元，朋友話ok。我哋都傾左好耐，係幾好。

lunch 時間book咗位，座係到等咗多過個半鐘都未有得食，同佢個staff講啦，個staff就同我講 「係咁㗎喇」就走咗去，咁係未態度，大佬有比錢㗎，知道要等但係要等多個1個半鐘都仲ok？！你地都唔算忙，要咁既態度真係好失望，之前都黎過幾次都唔係咁，以後唔會再黎，費時受氣！同埋係無lunch menu 唔緊要，但200HKD一個人淨係個pasta但要等個幾鐘係真係好過份！建議如果你好多時間可以浪費咁就黎喇！

約咗嘴gel gel同佢做功課佢揀咗呢間我以為係Cafe嘅地方點知一上到去就知道好似係專門俾人嘆茶嘅地方我哋冇book位，但好彩都有位然後發現其實應該係要book位因為唔係太多位，而且陸陸續續都有好多人上嚟跟住望左個餐牌，好多set lunch都想試最後揀咗漢堡同埋釣魚燒蝦飯share 兩個飯比較我覺得個牛肉漢堡好好食好有肉味好多汁加埋喼汁落去簡直係完美👍🏻👍🏻然後到飲品嘅Menu勁多茶嘅種類😱跟住就係咖啡，冇檸茶檸水嗰啲因為我哋做功課關係所以一路食一路做一路坐然後我哋就叫咗甜品個栗子蛋糕好重栗子味好正而且賣相一百分💯👍🏻我個柚子蛋糕都唔錯嘅

收藏左依間餐廳其實都一段長長的時間 今日終於行開太子光顧一下 餐廳需要上一層 唔難搵的一入門 入眼係好傳統既中式設計 位置寬闊 有啲茶壺既裝飾 感覺係好舒服 有家既感覺 餐單方面 食物款式都算多 不過美中不足係最低要求需要每人至少需要order一樣主菜 如果本身食左啲野既人黎到好似未免太浪費 建議可以考慮每人至少點一樣飲品及一款食物會比較好一行4個人 每人叫左一樣主食 同一壺飲品 最後仲叫左2樣甜品 埋單$800幾 平均每人$200幾 其實都幾貴下🤔我地分別叫左野菌黑松露意粉 松葉蟹棒意大利飯 青醬煙火雞胸寬條麵 另外再加台灣果粒茶 及玫瑰花茶首先講左野飲先 台灣果粒茶味道唔錯 不過要浸一浸先有更濃既味 而玫瑰花茶我覺得飲落淡味 食物方面 因為是一款一款煮 所以要預番時間比較長 不過其實都算快有的 雖然每人賣單近$200 但係味道我認為是滿分的 特別係野菌黑松露意粉 超濃黑松露味道 意粉好好食 份量也是剛剛好 不會小得可憐🤤 甜品方面 叫了「雲」同培茶蛋糕 「雲」是北海道牛乳烏結糖慕絲蛋糕 賣相好似一舊雲 入口即融 很滑 中間有烏結糖 味道賣相麵很不錯 而培茶蛋糕賣相唔錯 好重味道