Pancake 專門紗織 (已結業)

今日同朋友👥入去一间日式餐厅食一个下午茶，大家都唔知食咩好，样样都咁靓✨，于是就拣咗一个和食10品大家一齐share。和食十品 $198 咁佢一共系有10样嘢食，当中包括左沙律菜加芝麻酱，日式鱼腐，一口鲍鱼，柚子蛋糕，忌廉粟米汤，日式炸鸡等等，等我再讲几样系入面值得一赞嘅嘢食。🌟抹茶pancake加蕨饼呢度嘅pancake出名好食，细细件过吓口瘾都唔错，除咗食到绿茶味之外仲食到好香嘅鸡蛋味。🌟烧鸡加饼干烧完个鸡皮好香，而且个鸡肉好多汁，配搭埋饼干，别有一番风味，有啲似食紧零食嘅感觉。🌟法式橙汁烧过的烟鸭胸一入口就系橙香味，甜嘅鸭胸第一次食，将咬多几啖，就会有烟鸭胸嘅味道慢慢喺味蕾上面出现，有层次感。🌟鸡汤乌冬最令我意想唔到嘅系个鸡汤乌冬 ，睇落好似平平无奇，好似就咁剩乌冬，佢嘅汤简直系一个精华，乌冬吸收晒所有嘅鸡汤味，忍唔住连啲汤都饮晒。