翁記上海館 (已結業)

收工同爸爸妈妈一家人去揾食，发现闹市中隐世美食翁记上海馆，夜嘛嘛有间特别多人既野食，咁多人食肯定有好野，就梗系去凑下热闹啦。环境光猛，非常好生意，店员都好热情，见我地几个人，帮我哋安排位置，所以只系等左一阵就有位 。坐低就睇下食乜，店员即系热情推介，特别记得既系竹笙火腿云吞鸡、黑醋排骨、小笼包同埋京葱爆猪肉窝窝头。通常尼讲上海野系比较浓味，但哩个竹笙火腿云吞鸡就清清地啱老人家，汤好好饮之余，仲非常足料，有好几只云吞，仲成只鸡脾添。至于黑醋排骨呢，一尼到香气四散香味十足，酸酸微微十分开胃，但又唔算话好酸，都容易入口，貌似咕噜肉，口感就完全唔同，明显冇加粉既，啖啖排骨肉。小笼包简直系重点重头戏，一笼四粒，粒粒都涨卜卜啖啖汤响入面，仲热辣辣添，最好系一啖摆落口连汤饮系最爽。然后系京葱爆猪肉窝窝头，京葱爆猪肉呢就极之入味，就咁食浓左d，加埋个包，装住食，咸淡适中，口感一流，直情系国宝级食物。最后，食埋个香酥豆沙锅饼就差不多完结哩个寻隐之旅噜。