Fetch Coffee (已結業)

门面虽小，但感觉到温暖的小店。鸡肉芝麻汉堡烧烤酱配薯条 - 面层面包好新鲜、好完整又多芝麻，汉堡包入面配有菠萝，入口带有甜味，块扒唔会太干，而且保留肉汁，好好食。纽西兰肉眼扒伴白饭配黑醋汁 - 好少食牛扒会配黑醋汁，酸酸地原来好夹牛扒味，有少少好似落喼汁一样，可充份提升牛扒的鲜味。小弟比较着重牛扒的牛肉味，提鲜后我更加欣赏。冻朱古力咖啡 - 其实只系计个买相已经值回票价啦。好有心机好靓。而家味道方面都控制得宜，有朱古力味又不失咖啡味，真系不二之选。