影片
更多
2011-07-11
304 浏览
星期天，难得约到个朋友肯早起身黎食早餐，但都已经成十一点几喇 ~ 林记系大埔几十年老店，老大埔唔会唔识 ~ 佢地既排骨饭我由幼稚园食到依家，超乎想像地好味 ﹗而点心质数虽平平，但价钱非常实惠。但服务就唔好要求太高喇，始终系大排档麻，就算连食客都粗矿啲架 ﹗今次我朋友仔就比个粗矿既七八十岁阿婆吓亲，所以未能用心享受食物，急急食完就想逃离现场。话说食食吓野，唔声唔声有个阿婆突然坐落黎搭枱，口黑面黑粒声唔出，大大力洗杯、酙茶，搞到气氛异常，又骚扰到其他食客，食得唔舒服啰 ~蟹黄烧卖，怀旧点心，用料同卖相都保持几十年前做法，扑实简单不花考，所以价钱依然好抵食。猪肉实净肉味浓，无加肥猪肉、虾或系冬菇，单靠靓猪肉本身既甜味同香味已够。感觉似猪肉球加左少量蟹黄作点缀咁，所以只系猪肉味道，但美味。四宝鸡札，有蟹柳、鸡柳、芋头、火腿，质量依仍稳阵大路，一分钱一分货，以咁平既价钱，已系物超所值。鸡柳嫰滑又入味，火腿爽口带咸香，只系每次腐竹都蒸得太干，保持水份口感要滑会好食好多，而且无鱼肚既四宝鸡札始终有点怪怪的，我都明白受成本所规限。排骨饭，招牌菜排骨饭 ﹗到现时都全香港都无一间能跟佢匹敌 ﹗由饭、豉油、
蟹黄烧卖，怀旧点心，用料同卖相都保持几十年前做法，扑实简单不花考，所以价钱依然好抵食。猪肉实净肉味浓，无加肥猪肉、虾或系冬菇，单靠靓猪肉本身既甜味同香味已够。感觉似猪肉球加左少量蟹黄作点缀咁，所以只系猪肉味道，但美味。
四宝鸡札，有蟹柳、鸡柳、芋头、火腿，质量依仍稳阵大路，一分钱一分货，以咁平既价钱，已系物超所值。鸡柳嫰滑又入味，火腿爽口带咸香，只系每次腐竹都蒸得太干，保持水份口感要滑会好食好多，而且无鱼肚既四宝鸡札始终有点怪怪的，我都明白受成本所规限。
排骨饭，招牌菜排骨饭 ﹗到现时都全香港都无一间能跟佢匹敌 ﹗由饭、豉油、排骨，色、香、味都比间他食肆羸九条街。饭系由几种米混合而煮成，每间老店既配方都唔一样，口感、干湿、软硬、味道同饭香都绝对唔一样，商业秘密。食依个饭有个重要技巧，就系要用吸油纸当碟垫住食，油纸可吸去多余既水蒸气、水份、豉油同油份，另到饭粒更干爽，味道系浓郁。排骨半肥瘦又啖啖肉，肉味非常浓郁，仲带有种特别既甜味，质感松软棉棉。林记既排骨饭，排骨同饭系分开各自蒸的，当有 order 时，才将排骨舖上饭面，黎保持饭粒干爽。见饭粒一粒粒分开而丰满，口感咽靭，饭香非常，加埋香甜既豉油，完全无位去扣分 ﹗
张贴
