影片
更多
2010-05-23
128 浏览
寻日(22-5-2010 Sat)终于扯到爸爸一齐出街食晚饭,临时临急打电话o黎book三人枱,好彩重有枱,同预订o左3件金钱鸡,鸭脚包.我同爸爸一切出发,男友就自己前往,佢早o左3个字到,我叫佢先坐低睇吓menu有咩食.我同爸爸准时就去到,见佢坐o系最入o既卡位,睇menu,我o地叫埋其他菜色,叫完后,佢o地就会自动送上已订o既1.$22.00一件o既金钱鸡三件金钱鸡有叉烧,鸡肝同冰肉,个样好靓,影完相我o地就唔客气喇,但一夹即三件散晒,已经食o左o既男友叫我唔好分开食,要三件一齐食,咁我要o系个碗内重整,好,一啖咬落去.好咸呀!蜜汁o既甜味唔系咁食得出,不过感觉唔到冰肉o既肥腻感.味道: 3分2.$49.00o既鸭脚包一碟四件,一眼睇出有芋头,其他要食o左至知,个皮同样好咸,似烟肉o既口感,包里面重有叉烧,烧腩,肝同少少鸭脚,芋头未够腍,其他材料o既味道几乎食唔出,因为都只被一个咸字盖过晒.但觉得金钱鸡好味啲.味道: 3分食过两个特别头盘后,到3. $80.00o既虾籽炆柚皮印象中我都好似未食过,所以都叫o黎试吓,柚皮好厚,食落腍晒多汁冇渣,但原来味道系唔系唔好食,爸爸话柚皮系咁o
我同爸爸一切出发,男友就自己前往,佢早o左3个字到,我叫佢先坐低睇吓menu有咩食.
我同爸爸准时就去到,见佢坐o系最入o既卡位,睇menu,我o地叫埋其他菜色,叫完后,佢o地就会自动送上已订o既
1.$22.00一件o既金钱鸡
三件金钱鸡有叉烧,鸡肝同冰肉,个样好靓,影完相我o地就唔客气喇,但一夹即三件散晒,已经食o左o既男友叫我唔好分开食,要三件一齐食,咁我要o系个碗内重整,好,一啖咬落去.好咸呀!蜜汁o既甜味唔系咁食得出,不过感觉唔到冰肉o既肥腻感.
味道: 3分
2.$49.00o既鸭脚包
一碟四件,一眼睇出有芋头,其他要食o左至知,个皮同样好咸,似烟肉o既口感,包里面重有叉烧,烧腩,肝同少少鸭脚,芋头未够腍,其他材料o既味道几乎食唔出,因为都只被一个咸字盖过晒.但觉得金钱鸡好味啲.
味道: 3分
食过两个特别头盘后,到
3. $80.00o既虾籽炆柚皮
印象中我都好似未食过,所以都叫o黎试吓,柚皮好厚,食落腍晒多汁冇渣,但原来味道系唔系唔好食,爸爸话柚皮系咁o既味.嗯,咁我以后可以唔使再试呢样o野lu.
味道: 3分
4. $128.00o既半只古法太爷鸡
颜色系浅啡色,鸡唔太肥,食落食到被茶叶烟熏过o既香味,虽然淡淡的但唔错,鸡肉唔o鞋,再蘸上洋葱酱料,更加一流,好味.
味道: 5分
5. $80.00o既大良炒牛奶
呢个同凤城脆牛奶中选一个,我拣o左呢个,因为炸牛奶o度o度都有得食.呢个上枱睇到都几滑,趁热食,食到好重牛奶味,冇炒过火都几滑,下面舖o左炸米粉,增加口感,不过我o地都系钟意清晒啲牛奶.
味道: 4.8分
6. $14.00o既净汤米
呢个系爸爸要o既,见佢有啲韭黄,爸爸食o左半碗就大赞呢碗好味,啖汤好饮冇味精,米粉爽滑,佢一路食一路赞,系我从未见过o既.价钱系埋单我睇睇至知,咁又唔算贵㖞.
味道: 5分
7. $80.00o既山楂咕噜肉
呢个系男友后加o既,所以等好耐,终于到o黎喇,一碟唔太多,咕噜肉仍脆口,酸甜度适中,但唔食得酸o既爸爸就话酸.而佢真系落o左山楂粒,因为食完后有山楂粒留o系碟o度.而我个人就唔多钟意有山楂o既味道,呢个由之前留肚o既男友搅掂.
味道: 4.8分
8. 送o既红枣杞子桂花糕
杞子多到呢,桂花糕清清甜甜可以o既,杞子亦靓,可惜系红枣,我觉得唔应该加红枣,因为佢反而影响口感.
味道: 4.5分
9. 又系送o既红豆沙
唔知系咪我先食桂花糕o既关系,觉得呢个唔甜重有重药材味,呢个有莲子同白合,我饮过啖茶再食,都系有微苦,不过算啦,学爸爸话斋,唔好食咁甜.
味道: 3分
前菜
其实每张枱都有前菜,系榄角豆角,我觉得一般o勒,系因为我本身唔多钟意食榄角o挂,男友就话几清甜.
环境:
坐圆枱应该会舒服啲,可惜我o地系三个人,被安排坐卡位,卡位枱同椅o既距离唔够,好迫,枱又细,呢样系美中不足,下次要一大班人o黎食至好.
服务:
由打电话o黎到我o地食完走都好满意,佢o地好有礼貌,我o地张枱好细,佢o地见有桔碟就即收.
而最后我o地等咕噜肉时,女侍应问过几次啲菜齐晒未?我o地答欠咕噜肉,我o地以为佢o地赶我o地走,就加多句我o地都想快啲.亚姐就解释其实唔系,只系想送甜品畀我o地.我男友就讲笑话o衣o家上甜品先啦,我o地唔介意调转次序.
呢餐加埋$10.00位茶钱同$14.00o既前菜,总共$541.00,亚姐话冇加一.
后记: 到今朝起后,有小小肚泻感,经验话我知,呢啲系肠胃唔太接受肥腻o既反应,所以金钱鸡同鸭脚包呢两样食入口时,虽然唔觉油腻,但当然实际仍然系,所以都系切记小食多滋味.
张贴
