影片
更多
2011-01-25
122 浏览
红磡街市熟食档数埋都无十档，同大埔几十档真系差得远 ~ 文记系依度其中一间食小菜、碟头饭店，而且系最大规模既一间 ~ 出品同服务都过得去啦 ~ 我最爱打边炉，早午晚或宵夜都可以，任何时段都喜迎 ~ 今日相约位同事食午饭，我开玩笑式话去打边炉，意想不到佢一口答应，话洗咩惊呀 ~ 哈哈，好呀，有胆色 ﹗街市熟食档格局，无咩特别，空气流通，四围倘算干净。侍应阿姐阿哥们服务殷勤，敬业乐业，对工作有热诚，抵赞 ﹗猪骨合掌瓜汤，是日例汤，已试过多款唔同既例汤，但佢地全部味度及颜色都一样架，真系好特别，无味精要赞好。顶级手切肥牛，估唔到大排档有此货色，依碟野都要成百几蚊港纸架，不过物有所值。见肉色深红，已养得够熟，雪花均匀，肉质必会软棉及肉味鲜活浓郁。将厚切肥牛放入热腾腾羊腩煲中拖四五下，五成熟即啪入口，完全无错，超浓郁既牛味、肉汁丰盈、鲜甜可口，食到唔可以停低。虽厚切，但肉质绝对软棉滑溜，就算十成熟都不改其高品质，必食 ﹗枝竹羊腩煲，虽然依度既羊腩煲唔能够讲得上特别好食或突出，但非常足料，无揾笨呃秤，仲有一大篮菜送添。羊肉有排、有背、有腩、有皮、有骨，配搭平均，都好老实配料鲜枝竹都唔少，索晒羊肉汤
街市熟食档格局，无咩特别，空气流通，四围倘算干净。侍应阿姐阿哥们服务殷勤，敬业乐业，对工作有热诚，抵赞 ﹗
猪骨合掌瓜汤，是日例汤，已试过多款唔同既例汤，但佢地全部味度及颜色都一样架，真系好特别，无味精要赞好。
顶级手切肥牛，估唔到大排档有此货色，依碟野都要成百几蚊港纸架，不过物有所值。见肉色深红，已养得够熟，雪花均匀，肉质必会软棉及肉味鲜活浓郁。将厚切肥牛放入热腾腾羊腩煲中拖四五下，五成熟即啪入口，完全无错，超浓郁既牛味、肉汁丰盈、鲜甜可口，食到唔可以停低。虽厚切，但肉质绝对软棉滑溜，就算十成熟都不改其高品质，必食 ﹗
枝竹羊腩煲，虽然依度既羊腩煲唔能够讲得上特别好食或突出，但非常足料，无揾笨呃秤，仲有一大篮菜送添。羊肉有排、有背、有腩、有皮、有骨，配搭平均，都好老实配料鲜枝竹都唔少，索晒羊肉汤精华，好味道。如果配料可再加上鲜冬菇、冬笋、马蹄等，会更好味，味道更多层次。饮两淡羊肉汤，都可以啦，味道就系少左刚才讲啲配料啰，好味就好味喇，但未够鲜甜。
张贴
