新斗記 (已搬遷) 新店位置

同朋友试得西餐多，今次都系时候试下中菜。本身订左位，所以都唔需要等，但发现原来就算系平日，地下一层得八、九张枱，但都坐得满，呢间餐厅相信都系出名。见到枱上餐具，好够怀旧气息。点菜时实在有太多选择，所以随意先叫三样𩠌试下先，分别系出晒名既乳猪、桶蚝同羊排。个个系呢度留言既都话乳猪系必食，所以少少地就叫碟例牌。朋友一咬层皮，我都听到脆既声，无可否认，皮脆肉嫩确实系事实，但相反我觉得欠缺左香味，口感十足但味道一般。而桶蚝亦都好味，蚝既size中等，姜葱吸晒蚝味，系整碟𩠌既灵魂。因为朋友同我都系爱羊之人，见餐牌有“手抓羊排”都出于好奇想order，但𩠌名旁边一只辣椒，都担心会好辣，不过我地都胆粗粗去试下！上菜时就即系有惊喜，原来似四川麻辣既煮法，以为真系好辣，其实一D都唔系，咬一啖就知羊吸左辣既精华，好有麻香味，但仍然保留住自己既羊膻味，煮既火候岩岩好，骨同肉一咬就分开，食到呢度相信都未够饱（冬天呀~~~），所以再叫两个𩠌！啫啫唐生菜煲都好味，因为食得太多肉，点都要叫番碟菜来消化下！蛋白姜米蒜香蟹饭，蒜香味浓郁，可惜就系盖过蟹既鲜味，同时姜蒜味浸入饭内，所以饭变成精华，而唔系蟹，但食到呢度已经