影片
更多
2008-05-20
56 浏览
星期日琴晚4点先训, 但系第二朝十点就比嘈起身~ 无他既~ 要我去元朗揾位饮茶~其实真系有d无奈, 今次饮茶明明要我比钱~ 仲要我揾埋位~ 唉~因为未去过大荣华既关系~ 所以决定响果度饮~本以为有排等叫筹~ 始料未及既系~ 原来佢地兴好似快餐店咁企响隔离等~于是我同我妹妹分头行事~ 点知到我妹妹等到位果阵~ 有个师奶一个屁股坐落去~我妹妹咪同个师奶理论, 佢虾我妹一个细路女, 唔肯比番个位出黎~我行到埋去, 成副战斗格咁问：「咩事丫!?」 个师奶见我地有两个人, 唯有幸幸然走人~呢个年头有咁无赖既人既!?后尾其他人到齐, 我地一行齐个人食左好多野~呢度最出色既点心 --- 马拉糕~ 真系几好食~ 不过细件左dd, 其实相入面已经系两碟合埋一齐~ 我地前后叫左3碟~荣华d莲蓉都几出名, 黎到紧系要整番个莲蓉包啦~ 我觉得几好食, 不过可能因为太多莲蓉, 个包皮硬左少少~highly recommended~ 灌汤饺入面好多金华火腿同埋瑶柱~ 完全同出面食系两回事~ 咁足料都只系大点~ 简直反通涨~!妈咪话呢度食既系围头同埋顺德菜~ 一听到顺德, 紧系唔少得叫个煎鱼饼~ 以前同男友响尖沙
星期日
琴晚4点先训, 但系第二朝十点就比嘈起身~ 无他既~ 要我去元朗揾位饮茶~
其实真系有d无奈, 今次饮茶明明要我比钱~ 仲要我揾埋位~ 唉~
因为未去过大荣华既关系~ 所以决定响果度饮~
本以为有排等叫筹~ 始料未及既系~ 原来佢地兴好似快餐店咁企响隔离等~
于是我同我妹妹分头行事~ 点知到我妹妹等到位果阵~ 有个师奶一个屁股坐落去~
我妹妹咪同个师奶理论, 佢虾我妹一个细路女, 唔肯比番个位出黎~
我行到埋去, 成副战斗格咁问：「咩事丫!?」 个师奶见我地有两个人, 唯有幸幸然走人~
呢个年头有咁无赖既人既!?
后尾其他人到齐, 我地一行齐个人食左好多野~
呢度最出色既点心 --- 马拉糕~ 真系几好食~ 不过细件左dd, 其实相入面已经系两碟合埋一齐~ 我地前后叫左3碟~
荣华d莲蓉都几出名, 黎到紧系要整番个莲蓉包啦~ 我觉得几好食, 不过可能因为太多莲蓉, 个包皮硬左少少~
highly recommended~ 灌汤饺入面好多金华火腿同埋瑶柱~ 完全同出面食系两回事~ 咁足料都只系大点~ 简直反通涨~!
妈咪话呢度食既系围头同埋顺德菜~ 一听到顺德, 紧系唔少得叫个煎鱼饼~ 以前同男友响尖沙咀食过一次~ 大荣华果d更加有鱼味~ 个皮煎到脆卜卜~ 我都好钟意食~
我见佢地d黄金糕发得咁靓, 忍唔住叫左一碟~ 都几食~ 完全冇发酵过度既酸味~ 不过好油~
顺带一提~ 我见好多人新年食黄金糕, 其实食最靓既黄金糕系夏天食, 因为就算夏天都要花大半日时间黎发酵~ 冬天劲难发酵~
信我啦~ 黄金糕我整过好多次~ 不过因为太麻烦, 出街食抵d~
呢度最最最出名既小菜 --- 围头五味鸡~ 我食到有少少酒味, 仲有d豉油鸡味~
其实我妈咪都识整类似既汁, 但系真系整唔到佢咁入味~
所以我觉得佢系我食过既, 数一数二好味既鸡~
好可惜系佢系雪藏鸡~ 如果唔系一定更多人食~
$50一只, $45半只, 好奇怪既标价~ 哈哈~ (图为一只份量)
今餐承惠$300~ 其实系抵食~ 6个人份量~ 仲要星期日中午~ 何况我地又叫炒面又叫其他点心呢~
张贴
