大尾篤麥師傅 (已結業)

疫情咁耐都无去过烧野食了，今日心痒痒再访麦师傅，去到见到价钱同以往差唔多，但就多左一款烧烤炉，唔洗用叉，系有网同埋用夹去烧，我地两口子就试新野，同样有两包炭。基本餐具，蜜糖，纸巾，面包，开左炉就去拎野食，首先会有一盘咩都有既野食，之后可以自己再出去拎，每人包两张8蚊饮品，超过就补钱，水同罐装汽水都系唔洗补，枝装同啤酒就补5-8蚊。一开始个炉都几猛，好易㶶，要快快手咁反，烧旺左之后就慢慢控制到，愈烧愈靓。最钟意佢个猪扒，啖啖肉，呢度食物选择不过不失，有猪扒，牛扒，鱿鱼，叉烧，牛柳粒，鸡扒，金沙骨，肠仔，烧卖，鱼蛋，墨鱼丸，芝士鱼饼，多春鱼，芝士肠，红肠，台湾肠等等，粟米，翠玉瓜，鸡翼都有3-4只口味，我地两个人每次拎少少，食完再拎。唔经唔觉烧左三个钟都已经好饱，佢任食5小时的，但我地都饱了就走，好满足。虽然话5小时，但都无见过佢赶人走的，除左烧野食都有不同娱乐，有人打麻雀，小朋友有啲摊位同夹公仔机，旁边都有俾小朋友跑跑跳跳既地方，一家大细去玩都唔错。