金色不如帰 (國際金融中心商場)

营业中

休息中

东京好出名嘅拉面店金色不如帰，我自己反而冇食过东京𠮶间，一来就试呢间系香港嘅过江龙。当日5:30入去食完全唔使排队，座位都唔算太逼。我哋两个人叫咗佢哋最出名𠮶两款拉面，贝汁盐味拉面同贝汁酱油拉面，汤底好有海鲜味，但系唔油腻又唔漏，上面有少少黑松露酱，本身自己都钟意黑松露味嘅，但总觉得同拉面有啲唔系好夹，面条听闻系自家制唔系来货，我几钟意佢个面条质地， 弹牙清爽，叉烧系淋嘅但唔觉得有啲咩特别。佢碗面无跟糖心蛋，要另外追加，糖心做得几好好流心，但豉油同蛋味略嫌淡左啲。我哋仲带叫咗碗叉烧饭，都好食嘅但系冇乜特别。想讲一讲饺子，佢啲肉切得好细粒又有啲散唔系好似平时食开嘅饺子，又唔系唔好食嘅，系有啲得意啰。最后仲叫多咗个炸鸡，炸浆唔太厚几好，但个炸浆同鸡本身冇调味咁，要靠个沾酱喇。整体来讲都好食，喺IFC来讲唔想食到好贵，但又唔想食快餐，呢个算系几唔错嘅选择。