好好運快餐店 (已結業)

搬咗之后嘅好好运入口非常隐蔽，好彩之前有谷友教路，唔使我行冤枉路。一场嚟到，当然要叫沙爹牛肉面，再另加一份红肠。沙嗲汁劲浓，有花生同洋葱香味，少辣偏咸，虽然唔系我最钟意嘅口味，但系仍然非常高质👍；牛肉软腍入味，份量亦唔少；红肠非常厚切，煎得微脆，又 juicy 又香口，同沙牛面系绝配。至于面底选用咗顶好特级大光面，面质爽滑弹牙之余，挂汁能力亦强，真系超正😍。如果时间许可，最好早餐时段嚟，因为平十蚊之余仲可以拣多个𩠌😂。