景福宮韓國餐廳 (已結業)

12月中到觀塘見客，無意中在地鐵行駛時看到這間久遺了的餐廳，我在佐敦工作了近20年，平日食lunch最鐘意去“景福宮”食牛肉客飯，自從佢係01年(大約)結業後，對他十分懷念，決定要搵日去食番餐。早前朋友生日，專登book定位食自助燒烤，而家係香港所餘無幾嘅龜背火鍋重係道，但係果條由天花板吊落來既煙通就冇左勒，但是相對就變得無咁大煙，十幾年味道終於搵返，美味既牛肋骨呀！辣泡菜同咸魚仔呀！一d都無令我失望，而家重多左好多火鍋料同埋配菜添，見番果個老細，雖然白髮多左d，但係仍然招呼咁賣力，抵讚！以前佐敦老舖都有甜品同軟雪糕，而家種類重多，有成十幾廿種，最出奇即就係有自制雪條同夾餅，我見無論大人定細路，都可以親手整番件似模似樣既夾餅自己食，當日我著住件老西，費事同d細路爭，下次一定要郁手自己試下先得。總括來講，我唔敢話佢係香港最好味既韓國燒烤，但點都算得上有特色又好味，而且價錢又惠，平日$88假日$98，9點後重有特價$68同$78，極之值得推介。