菲律賓會 - 盛宴BBQ (已結業)

依头唔系咩旺区，要做得住真系唔易。因为住附近，见又开了新餐厅，就即刻过黎试啦。今次同家人试左中餐厅先，入到去个经理都好有礼貌，又有介绍俾我地听新餐厅有d咩。适逢秋天，刚好有紧蛇羹  即刻叫个例牌试下。价钱好似系$188，都有8碗，妈妈仲话好好味，唔系好似附近另一间咁劲多味精。加埋d菊花and蛋散卜卜脆，好味！  通常试新餐厅，一定叫个咕咾肉试下。情况就好似，去试新拉面舖，一定叫个原味试  结果无令我地失望！肉仲食到脆脆地，d甜酸又刚刚好无太甜太酸，爸爸都好满意！  由细到大都比较钟意食西餐既我，都觉得好食想再食 最后所有送菜清晒～食得好干净 XD 而且仲送红豆沙！！  食紧既时候见隔离台有海鲜而且几香。经理就话海鲜要预早订。等我地下次再来试先！另外，我地落左下一层西餐厅睇下咩环境，见到人地bbq，是日满座！有青口，大虾，带子，蚝，几款肉，无数咁多丸，仲好似有甜品提供😍😍😍 正呀！！！瘾起就可以黎依道bbq，10分钟就到，唔洗山长水远走去美孚！真心希望今次一间餐厅做得住！系无乜野食既卫理道开依间餐厅，对住系度既我黎讲简直系正爆！要再黎试埋个西餐厅同bbq！