菲律賓會 - 盛宴BBQ (已結業)

已經開始有少少涼意，咁就梗係係時候BBQ啦✌🏻，因為有啲朋友都要返工，所以決定上網搵下有邊間方便d, 睇到呢一間都好方便，由地鐵站行過去都係大約15分鐘，所以一致決定訂呢一間試吓，環境都幾好，除咗出邊戶外有得燒嘢食之外，仲有一個室內位置，入面可以俾你哋坐下，玩下飛鏢，打下機👍🏻👍🏻，而嘢食方便有好多選擇，例如，雞翼，牛扒，豬頸肉，雞扒，雞皮，金沙骨，鯖魚，牛柳粒，腸仔，脆皮腸，雞腎，魷魚，多春魚等等，亦都有海鮮提供，生蠔（當然要燒熟佢先食得），虾🦐，青口，帶子，飲品亦都係超多選擇都有啤酒提供👍🏻，一大班朋友就最好一路食一到飲😂，如果一大班朋友想燒嘢食，但又冇時間去到咁遠嘅話，呢度都係一個唔錯嘅選擇👍🏻

飲飲食食，嘻嘻哈哈，不亦樂乎~​​老友相聚，有人提議禮拜五晚BBQ。唔係講笑嗎？唔通返咗一禮拜工，仲要拎炭挽叉，攀山越嶺。​​還有老友有好介紹。哩間BBQ場位於市區。地點旺中帶静。坐地鐵就行一小段，揸車佢有幾個車位，泊街亦可，因BBQ場可以望到。不過我就唔會揸車來，因為啤酒任飲。尤其有哩隻有果味啤酒。​​食物方面有海鲜，豬牛雞扒，魚旦腸仔，菇菜蕃薯。中意食海鮮，食肉，食菜都有。大人細路都arm.​​環境乾淨，有音樂，有飛鏢。最重要係冇蚊。成班老友。飲飲食食，嘻嘻哈哈，不亦樂乎。​

中秋佳節慶團圓齊齊BBQ由於有人以前試過呢間 推薦多海鮮任食於是提前Book位每六位送一位 *有加一服務費（結果中伏 中伏 中伏 重要事情要講三次）黎過既友人表示 以往同現今相比 非常大落差黎到個場見到有幾個爐 同行十餘人 共開左2個爐 去到夜晚好快就爆棚 每個爐都坐滿人 雖然夜晚都有D涼風 可惜太多人 太多爐 好密集式 搞到個環境好逼 又熱 -飲品方面: 款式都正常 有汽水 果汁 啤酒-食物方面:當晚有少量丸類 雞翼 雞 牛 豬 菇菌 菜另有海鮮（蝦、蠔、青口、細扇貝、多春魚、鯖魚）食物質素非常差 款式少 而且極度唔新鮮D蝦望落Size都正常 可惜一夾就甩頭 燒熟後更有人表示D蝦肉係‘梅’既 極度唔新鮮 室內場地好細 有3張梳化 多D人都唔夠坐另有2部鏢機（$5 鋪 自備零錢）有幾款Board Game 需按金$100*****無得唱K （想唱K既請移玉步）***想要燒烤叉 $5枝 蜜糖 棉花糖等逐項收費-總結:沒有最伏 只有更伏!!如果你唔介意場地細 又逼又熱又焗 服務麻麻 食材唔新鮮 無野玩 請即管黎試🤣

在Y記找到有B B Q同埋啤酒任飲，咪試下，食物種類很多有蠔、蝦、羊架等，最重要係啤酒任"隊"我地8條友飲左60幾罐....做緊韓國啤酒節，有D韓見都沒見過！每人唔使2嚿水，好過落吧。

伏到爆🤢🤢12:00去到，話可以燒到5點，最後燒到兩點幾走人🤣🤣講番先，一早book左話樓梯邊位置，佢話可以安排，但一去到，完全無set果邊有燒烤爐囉。😒😒😒OK ,甘咪安排左我地最入既位置，係行出行入就麻煩少少，跟住去拎野食喇。佢D海鮮....全部冰到呢，一舊舊雪😑😑😑D蠔又多蠔殼碎，又溶溶爛爛，好污糟😶😶拎左返去，其實燒完都無食過，賣相真係好肉酸，扇貝同青口細隻到呢，D蝦又霉，唔好食的。跟住燒到無乜火，要自已加炭的，之前個火都熄熄地，叫佢黎開火點番個爐，好似好唔Like甘啦😤呢到D服務真係好麻麻地😖同埋佢d野都唔係幾衛生，我見D燒烤叉，應該係循環再用，見到都唔想用啦。😫😫😫D野食又唔好味。😖真係好伏。👎🏻👎🏻賣單果時，明明電話講左話唔使開爐費，埋單又要比番開爐費🙄🙄🙄🙄呢間野一定唔會推介比人。實在太難食。🤢🤢🤢👎🏻👎🏻👎🏻👎🏻

菲律賓會10個人又系1個爐，3個人又系1個爐 🤷🏽‍♀️🤦🏿‍♀️超迫、坐得又唔行得啲野又唔好食，啲肉全部一樣味既？媽~~~好亂丫~~~———海鮮有蝦有蠔又有扇貝同青口可惜雪到一大舊冰未溶都拎出來我地卜左5:30燒到10:30但9:30已經蓋哂唔比我地再拎野食WHAT???????問個姨姨系咪唔拎得野食佢態度勁差話入座時已經講過9:30無得再拎野食但100%無講過喎🙅🏽‍♀️———總之成件事就是一個 #伏 🙄

我地一行10人。由於訂唔到其它燒烤場。見呢間介紹過又有位咪試吓囉，點知....中伏哂。呢間野d食物難食都算。10人得張檯仔,完全無位坐埋佢食野,個場迫到爆。其餘場一定有番10人檯坐的。但佢無囉。燒烤爐又迫,無法改動位置,所以勁熱,海鮮方便,蝦是霉的,蠔同帶子腥架,肉類只得雞翅有d味,仲要收2百幾蚊位,仲要有加一兼得4個鍾，未聽過燒野食有加一囉，以後唔會再上檔。任何一個場好坐過佢囉，訂位又要入訂金先。地點又唔方便。

星期六下午一家4口同外母加工人去燒烤，去到現場只得我們一枱客， 像變了包場。其實因為只是大多數人鍾意在晚上燒烤， 我有小ｂ同小童，一定要確保所有食物全熟， 所以揀下午去燒。食物內容ok, 最好嘅就係分別有醃咗同冇醃嘅， 你鍾意自己蒜蓉牛油燒有得，燒醃咗嘅又得悉隨專便。 一個價錢已經包曬所有嘢，基本上食完就咁走就得，啦乾手淨腳。臨走前見佢哋已經將所有位置都放滿曬燒烤爐， 因為當晚爆場 。 唯一要改善係門口位置，因為有廚餘嘅味道， 店方要多加注意門口位置，因為這樣會影響對店嘅印象。

終於都望穿秋水，感覺到秋天嘅氣息，涼涼哋除咗打邊爐之外，BBQ也是絕佳配搭，今個星期日喺繁忙嘅都市入面，搵到個場聚下先呢個場喺油麻地站出口都要行10分鐘先到，原來平時係只招待會員內裏環境幾舒服，有幾張卡位之外，仲有張枱放咗好多配料：蒜蓉牛油、辣椒仔、豉油等等仲有部復古遊戲嘅任玩有兩部飛鏢機唔使爭玩海鮮種類也有：扇貝、青口、大大隻生蠔、啲蝦仲好大隻同好新鮮添食物種類一共有20幾款：有幾種唔同味嘅雞翼，豬扒、大大快牛扒、午餐肉、腸仔、六七款丸類，最特別係有大大條沙甸魚... 超市買一條都要＄20大元仲有個沙律櫃，又有日式螺肉同墨魚仔食地方都幾大... 我哋一行20人影大合照都ok喎

地點尚算方便，佐敦地鐡站行去15分鐘左右，在華員會隔離，但當日是星期六晚，坐位比較迫！希望付責人可以留意吓入場人數。室內有街機和飛標機玩，可以玩完食，食完再玩食物種類都可以，味道唔會太咸！有小型沙律bar，有啫喱糖、布甸等。飲品是任飲，汽水、茶類、水、啤酒都有，紅酒、清酒就要另外付錢，另外海鮮都是任食，有蠔、扇貝（但比較細粒）蝦（麻麻哋新鮮）、青口。有加一服務收費，但六送一任飲任食，5小時，都算抵！

因為買左優惠劵，所以就約左一班人去烤烤啦，，第一次去果度覺得個環境都唔錯，感覺幾開揚食物款式都算幾多仲有飲品啦、金菇、蕃薯、沙律吧等等，備有牛油同多款調味料俾你自行調味，錫紙栽口俾你自己包菜、金菇、蕃薯食幾特別連碳都係自己加ge，個火幫我地起好就可以開始燒啦，我地無用叉就放個架響上面燒，蕃茄仔、菠蘿都好好味整體都唔錯，好多款式揀，地方好涼爽，市內燒烤我覺得都可以再試，只係地點都算遠對於新界朋友來說🤔不過買左優惠劵無理由唔去麻，價錢係$147.5（連加一）原價係二百幾蚊架🙈

秋風起涼涼地又是時候BBQ了，本人不太喜歡大型BBQ場怕焗促同擠迫，親友就介紹這間，環境位置都很好，場地細只有幾枱客，每枱都大都只是4-6個人，人少少最佳選擇。菲律賓會只招待會員，我們要填表即時入會，停車場可供會員停泊7-8架車，先到先到，我們5點零鐘抵達剛好還有一個車位，可以免費泊車。食物任食，飲品任飲，海鮮有青口,生蠔,蝦,帶子任燒。食物種類都算多，有最喜歡的豬頸肉及多春魚呢，羊扒就味道不錯夠腍，牛肉就稍韌了。食物大致不錯，只是價錢比較略貴，星期日$248加一，每位$272。不過地方乾淨衛生，環境舒服，都算值回票價。

上星期六晚同客人ㄧ齊去BBQ, location 超方便~MTR 行一陣就到, 泊車又多位入到去地方超乾淨,仲有人幫手點爐。因為佢地會提供網所以中西燒法也可~食物選擇由肉類, 海鮮, 沙津及甜品供應量及質素也十分良好。我本人係海鮮的朋友所以十分對胃。最開心的是飲品任何飲(包括啤酒)。我ㄧ定會再去玩!

依頭唔係咩旺區，要做得住真係唔易。因為住附近，見又開了新餐廳，就即刻過黎試啦。今次同家人試左中餐廳先，入到去個經理都好有禮貌，又有介紹俾我地聽新餐廳有d咩。適逢秋天，剛好有緊蛇羹  即刻叫個例牌試下。價錢好似係$188，都有8碗，媽媽仲話好好味，唔係好似附近另一間咁勁多味精。加埋d菊花and蛋散卜卜脆，好味！  通常試新餐廳，一定叫個咕咾肉試下。情況就好似，去試新拉麵舖，一定叫個原味試  結果無令我地失望！肉仲食到脆脆地，d甜酸又剛剛好無太甜太酸，爸爸都好滿意！  由細到大都比較鐘意食西餐既我，都覺得好食想再食 最後所有送菜清晒～食得好乾淨 XD 而且仲送紅豆沙！！  食緊既時候見隔離檯有海鮮而且幾香。經理就話海鮮要預早訂。等我地下次再來試先！另外，我地落左下一層西餐廳睇下咩環境，見到人地bbq，是日滿座！有青口，大蝦，帶子，蠔，幾款肉，無數咁多丸，仲好似有甜品提供😍😍😍 正呀！！！癮起就可以黎依道bbq，10分鐘就到，唔洗山長水遠走去美孚！真心希望今次一間餐廳做得住！係無乜野食既衛理道開依間餐廳，對住係度既我黎講簡直係正爆！要再黎試埋個西餐廳同bbq！