影片
更多
2019-04-08
3956 浏览
每次经过The One都会见到果条极长的人龙排队等位。估唔到极尚大喜屋开张咗咁耐，都一直咁长龙。今日终于可以试下喇！可能由于餐厅的接待处空间比较细，所以所有人到后都要系外面排队，等员工编排枱号，俾张纸仔你，然后入座。一入去好多人啊！全场坐满！！好墟陷！每位员工都好忙，但仍会向客人用日文讲欢迎。自己好白痴咁揾唔到纸仔上写的枱号，员工都主动埋黎帮你。坐低后，见到枱上有两本好靓好整齐的点菜纸，湿纸巾，仲有个垃圾桶。负责我地果枱的女员工十分之有礼貌，仲帮我地倒鼓油！真系第一次食放题有咁的服务。呢道有别于一般放题的系服务非常好，客人坐低后完全唔洗离开座位。饮品，食物，甜品全部都会由员工送上枱。甚至连点菜纸填完都唔洗大动作叫员工过嚟，放系枱唔洗1分钟员工就会留意到拎走。食物选择好多，点菜纸由A去到L。一开波即叫我至爱的刺身同寿司，好多选择！最特别系有松叶蟹脚！刺身中最好味亦都系佢，味道鲜甜，肉质结实，蟹肉饱满，唔似有啲地方的蟹脚入面系空气或海水多过蟹肉。象拔蚌同鲜赤贝都好爽腃鲜甜。寿司款式选择非常之多，仲好特别有：“极”寿司，同“尚”寿司。极寿司系拖罗加甜虾加黑松露，尚寿司系明太子沙律酱，芒果和呑
可能由于餐厅的接待处空间比较细，所以所有人到后都要系外面排队，等员工编排枱号，俾张纸仔你，然后入座。
一入去好多人啊！全场坐满！！好墟陷！每位员工都好忙，但仍会向客人用日文讲欢迎。
自己好白痴咁揾唔到纸仔上写的枱号，员工都主动埋黎帮你。
坐低后，见到枱上有两本好靓好整齐的点菜纸，湿纸巾，仲有个垃圾桶。负责我地果枱的女员工十分之有礼貌，仲帮我地倒鼓油！真系第一次食放题有咁的服务。
呢道有别于一般放题的系服务非常好，客人坐低后完全唔洗离开座位。饮品，食物，甜品全部都会由员工送上枱。甚至连点菜纸填完都唔洗大动作叫员工过嚟，放系枱唔洗1分钟员工就会留意到拎走。
食物选择好多，点菜纸由A去到L。
一开波即叫我至爱的刺身同寿司，好多选择！最特别系有松叶蟹脚！刺身中最好味亦都系佢，味道鲜甜，肉质结实，蟹肉饱满，唔似有啲地方的蟹脚入面系空气或海水多过蟹肉。象拔蚌同鲜赤贝都好爽腃鲜甜。
寿司款式选择非常之多，仲好特别有：“极”寿司，同“尚”寿司。
极寿司系拖罗加甜虾加黑松露，
尚寿司系明太子沙律酱，芒果和呑拿鱼味。我钟意食生的极寿司多啲。
寿司类呢到都做得好好，当中好好味的有：
海胆军舰系超级好味。海胆味香浓。
亲子花之恋寿司原来系一件放鱼子，另一件放蟹子。普通的花之恋都好好食，上面的三文鱼味道口感都系拖罗级的三文鱼。
柚子胡椒油甘鱼，柚子胡椒原条穴子。
柚子味独特，配油份重的油甘鱼和穴子好夹。原条穴子差不多有成枝筷子咁长！
松叶蟹膏烧赤虾，蟹膏好甘香，配赤虾的爽腃清甜，十分好。
系极尚海之盛宴中(E)，全部都好吸引，好想叫哂。但知道自己眼阔肚窄，唔想做大嘥鬼，所以都系只叫2款试下。
什菇露荀炒珊湖蚌， 好香蒜香味，系蒜蓉粉丝蒸扇贝𠮶只蒜蓉味，好好味。
北海烧帆立贝，有芝士，沙律酱，洋葱碎，红黄椒碎，味道偏浓，偏甜。
食食下发现墙上有张海报显示Movenpick ice cream & Haagen Dazs(季节限定)。因为见唔到点菜纸上有呢啲雪糕，于是询问女员工。佢超级有礼，先道歉我地张枱可能用哂果张点菜纸，然后即刻系隔离枱拎一张(L)俾我地。又向我地解释而家季节限定的味道系咩，每位客人只可点一杯Haagen Dazs 或Movenpick，仲提我地点菜纸上的甜品或雪条可以任叫。
泰式凤爪，系tabasco嘅辣味。沙律类中的蟹肉胡麻豆腐同埋黑松露带子沙律都几好味。
食完寿司，刺身后都饱左一大半。无乜点到热食。其中的烧牛舌同风味淋烧鱼干都唔错，而黄金虾系最好食。又大只，肉质结实， 外层被咸蛋黄酱包住。香口好味，仲有炸薯条，连埋啲 咸蛋黄酱一齐食超好味停唔到。
最后食埋至爱的Movenpick雪糕后，只剩小量空间叫甜品。当中焦糖日式软芝士蛋糕同埋Tiramisu系最啱我口味。
仲想食多啲，无奈胃的空间唔够大，唯有下次。总括今晚食物服务好好，比起之前去过的大喜屋更好，令我同朋友可以舒舒服服咁坐定定饮酒倾计食嘢。
清酒，梅酒，什菇露荀炒珊瑚蚌
94 浏览
0 赞好
0 留言
刺身
295 浏览
1 赞好
0 留言
寿司
124 浏览
0 赞好
0 留言
海胆军舰
123 浏览
0 赞好
0 留言
沙律类
94 浏览
0 赞好
0 留言
黄金虾
93 浏览
0 赞好
0 留言
甜品
228 浏览
0 赞好
0 留言
柚子胡椒原条穴子
111 浏览
0 赞好
0 留言
张贴
