Seoulmate (京都廣場) (已結業)

用朋友揾个地方倾下计，见呢间一直都出名个甜品，趁平日晏昼少啲人就嚟试下。果然，四点几嚟到只见室外有一枱客，但天气热，我吔就拣咗坐室内。拣杯饮品，系餐牌上最吸晴可以话系呢杯草莓芝士奶盖，粉红色往往最引到女仔去试。讲到味道，比想像中好味，亦比台式饮品外卖店嘅好饮好多!　当然，价钱都贵啲啦～我吔两个人仲拣咗一个甜品边倾计边食，纲上见呢个好出名，就试下，个样真系好靓好特别......除咗面层嘅生果同饼碎，中间嘅鸡蛋状就系忌廉整嘅。另外，下层就系所谓嘅mousse cake，以为都会几fresh，衬番个样，点知食落其实系忌廉蛋糕，一层层似系抹茶味但实际上冇抹茶味嘅蛋糕，夹住一层层忌廉，食落就似连锁面包店嘅西饼，以七十几蚊嘅价钱完全系失望，我吔两个人都食唔哂。