住家菜 (已結業)

上次同朋友试完，今次带男朋友嚟食，两个人点了：1.两碗例汤-金银菜干煲猪骨- 上次第一次嚟食冇试到，原来例汤真系好住家feel，个汤冇味精，好足料，12蚊一大碗，劲抵2.西兰花班片- 好味，同上次一样，都系周街都食到𠮶只味道3.金针云耳蒸鸡- 我觉得呢味好差，我食咗两旧就停手，鸡细旧，多数仲系骨多过肉(我好衰，唔识lun骨，所以只爱食fillet)，又多油，好似油浸咁，话唔落味精啫，都唔系整到好咸架4."鸳鸯"太极炒饭- 味道ok啦，一般出面都食到咁嘅水准，胜在够大碟，大碟到唔够位摆(张枱细嘛)5.清炒豆苗-好似咸咗少少，又油咗少少，不过豆苗几靓另送是晚糖水马蹄露，仲要系我到暂时为止饮过至差嘅马蹄露...冇料又冇味，十足一碗豆粉水加少少蛋花，上次送甜茶咪好好地啰。上次订咗位都等咗一阵，今次walk in，等足四十五分钟，都系俾带位姐姐欺骗咗，本来话两个人好快廿分钟有枱，咁咪等啰，等到半个钟问佢仲有几耐，又话下一张到喇，咁又继续等，等足四十五分钟。味道系好(so far试过两次，多过半数嘅𩠌都好味)，例汤就超级好，不过啲𩠌唔系好味到值得等成四十五分钟，睇怕以后都唔会再咁傻去等咁耐，学男朋