荳子 (海壩街) (已結業)

平时闲闲地起码10个8个排紧队，今晚得2－3个就一于等一等啦！入到去同门面见到嘅一样咁舒服，亦好好彩被安排到窗边位置。我哋每人点咗个 main course，另加一个甜品开心 share!黑松露软壳蟹意粉碟意粉的确有惊喜！平时食开细细件嘅软壳蟹，今次佢系原只上！意粉都令人满意嘅。All Day Breakfast全日早餐多配多士或 pancake，佢呢款特别造型嘅 pancake 卖相吸引。Pancake 厚厚嘅有咬感，仲提供埋 cream 比你，叫做有花过啲心思。冻咖啡 & 冻柠茶饮品方面冇咩特别，但系睇得出佢喺选用餐具上嘅用心。例如冻咖啡嘅杯系圆碌碌好得意（虽然拎上手唔太方便），另外大部份餐具（例如杯垫）都有印上自家品牌嘅 logo。 抹茶心太软（配抹茶雪糕）成碟都系绿色嘅抹茶，正呀！唯一 comment 系抹茶蛋糕个底唔平，好难切开嚟食架嘛。