PURADAK CHICKEN (金巴利街)

营业中

休息中

☞ 尖沙咀 Puradak Chicken ☜———————————————◊ 炒年糕-甜 ◊好惊喜，冇谂过个年糕会系炸/煎过先，食落更烟韧同埋唔会浆口，而份量都几多。个酱甜甜地好开胃，啱啱食唔到辣嘅人😍美味程度: ㊣㊣㊣㊣.5/5◊ 黑芝芝波波-原味 ◊外皮少少烟韧，虽然系黑色，但其实冇咩特别味。入面芝士都几多，会拉丝，但就冇咩芝士味😵‍💫美味程度: ㊣㊣/5◊ 芝士鸡蛋卷 ◊蛋卷唔会煎得过老，配上沙律酱同茄酱酸酸甜甜，中间卷住拉丝嘅芝士，好邪恶又开胃。如果中间可以夹多少少问嘅嘢就好，就咁夹芝士有啲普通🙈美味程度: ㊣㊣㊣/5◊ 半半无骨炸鸡-粟米味、蒜香味 ◊两款都系带有甜味。粟米味洒上大量粟米粉，就好似将平时食开𠮶只零售粟米棒嘅味，但就更浓，估唔到食落又几特别几夹。蒜味嘅酱偏甜，洒上蒜茸食落甜甜地又有蒜香😆美味程度: ㊣㊣㊣㊣/5◊ 士多啤梨米酒 ◊一壶可以分到好多杯。士多啤梨味唔会好假，米酒饮落比较易入口🫢美味程度: ㊣㊣㊣㊣/5◊ 西柚烧酒 ◊西柚味同烧酒本身都自带苦味，西柚味都几出，但比较适合平时钟意饮酒同接受到西柚苦涩味嘅人🤣美味程度: ㊣㊣㊣.5/5——————————