桃園眷村 (已結業)

咁啱八月上上海做嘢，有个同事食过桃园眷村话好食，我就无份去，呢日有啲事要去朗豪坊，喺food court揾食，见到原来香港都有佢，就即刻试下！黑糖珍珠奶茶，黑糖够香，唔会过甜，不过我都系试咗两啖，因为呢度有我嘅最爱，豆浆烧仙草！呢个真系满足晒我所有愿望，豆浆唔会太甜，烧仙草嘅份量好慷慨，两个放埋一齐真系好夹讲真，净系饮呢个都已经饱咗！我哋两个人因为好肚饿，叫咗两份姿饭，两份烧饼。仲有今晚嘅重点，咸豆花！呢个咸豆花真系不得了，佢有好多配料喺里面，辣菜甫，花生，葱，虾皮，紫菜，捞埋个滑溜溜嘅豆花，真系好好好好好好味！我未试过系香港食到咁好味嘅咸豆花！功夫辣鸡腿烧饼，鸡扒大大块， 又香又辣，佢个烧饼好大个，咬落去松松脆脆，好味！熏肉葱蛋饭团 ，钟意佢个肉咸咸地，包系软绵绵嘅粢饭入面好有咬口，钟意佢个粢饭做得热辣辣，重点系唔会有过硬嘅饭粒，除咗铜锣湾渣甸街嘅粢饭，以后有多个好选择！肉操卤蛋饭团，又系我好钟意嘅组合，食肉燥冇咁肥腻，但系有肉嘅饭团先至够坑口，钟意佢加左卤水蛋，成个配搭都非常之好！仲好贪心咁叫咗猪扒煎蛋烧饼，其实已经饱到上心口，初头以为食小食唔够饱，其实佢啲份量系大大份，再加杯野饮