享樂烘焙

营业中

休息中

呢间面包店系我近期最爱，没有之一，之前已经介绍过抹茶三角同紫薯拉丝包，今次就买左夏季限定嘅冰心包同三款bagel。 🍽小山园抹茶冰心/原味云呢拿冰心包身好松软，一搣开啲馅即刻爆出黎好澎湃，馅料用法国忌廉同北海道炼乳制作，口感顺滑唔腻，抹茶味温和但有茶涩味。原味都唔错，味道就似泡芙入面嘅忌廉，抹茶味特别啲。 🍽擂沙芝麻贝果享乐嘅贝果唔算好烟韧，但亦唔系普通面包质感，要用啲力扯咬，包面加左黑白芝麻粒，馅料就系擂沙汤圆个味，唔会过甜。 🍽伯爵麻糬奶茶贝果包体有淡淡嘅茶味，麻糬好香黑糖味，系黏软果种，有啲似蕨饼，奶酥食落系珍珠奶茶嘅味道，呢款对我黎讲有啲甜，同埋啲馅偏埋一边。 🍽紫菜香蒜芝士贝果第一次食咸贝果有惊喜，包面有唔少紫菜同芝麻碎，个馅好劲蒜味，但无掩盖包体嘅紫菜味，加埋咸香嘅芝士，绝对系重口味之选。