影片
更多
2012-06-30
73 浏览
其实讲左几年, 一直都好恨黎呢间食... 终于今日同妈妈&佢朋友一齐黎试左. 抱住非常期待既心情黎到.睇过食评, 知道星期六日及公众假期Lunch Buffet既价钱又平($348+10%), 食物款式同Dinner Buffet($448+10%)食既一样, 都有生蚝, 鹅肝, 和牛, 蟹脚. 所以就梗系黎试下个Lunch Buffet今朝刚落8号风球, 可能因为落雨关系, 我谂得3成人咋. 劲开心, 唔洗排好耐队. 一黎到梗系试生蚝啦^^生蚝有5款: 纽西兰, 美国, 南非, 西非, 法国.第一转攞时, 佢会一次俾晒5次你试第二转攞时, 自己就可以选下自己钟意食边只. 其实款款都好鲜甜, 唔觉戥, 乜都唔加就咁食, 都好好味! 我觉得纽西兰细细只好清甜, 西非就好Creamy... 前后我食左13只...刺身有好多款: 蟹棒, 玉子, 甜虾, 三文鱼(我觉得系三文鱼腩), 希灵鱼, 带子我净系食我钟意既三文鱼,带子, 甜虾, 样样都好新鲜. 正长脚蟹: 好食. 食左5只沙律: 其实度度都一样, 不过我钟意食, 每次食Buffet都要食都要影返张相 另外黎到呢度一定要食既就系:鹅肝多
睇过食评, 知道星期六日及公众假期Lunch Buffet既价钱又平($348+10%), 食物款式同Dinner Buffet($448+10%)食既一样, 都有生蚝, 鹅肝, 和牛, 蟹脚. 所以就梗系黎试下个Lunch Buffet
今朝刚落8号风球, 可能因为落雨关系, 我谂得3成人咋. 劲开心, 唔洗排好耐队. 一黎到梗系试生蚝啦^^
生蚝有5款: 纽西兰, 美国, 南非, 西非, 法国.
第一转攞时, 佢会一次俾晒5次你试
第二转攞时, 自己就可以选下自己钟意食边只. 其实款款都好鲜甜, 唔觉戥, 乜都唔加就咁食, 都好好味!
我觉得纽西兰细细只好清甜, 西非就好Creamy... 前后我食左13只...
刺身有好多款: 蟹棒, 玉子, 甜虾, 三文鱼(我觉得系三文鱼腩), 希灵鱼, 带子我净系食我钟意既三文鱼,带子, 甜虾, 样样都好新鲜. 正
长脚蟹: 好食. 食左5只
沙律: 其实度度都一样, 不过我钟意食, 每次食Buffet都要食都要影返张相
另外黎到呢度一定要食既就系:鹅肝多士: 大大件, 有少少煎㶶了, 不过夹埋块多士又唔觉腻, 我一个人食左3件
澳洲和牛: 厚切好味呀. 唔太轫, 好有牛味
即煎澳洲和牛: 薄身即煎即食, 真系劲好味. 又有少少筋. 仲带出左好香既牛味
熟食: 海南鸡, 肉酱意粉, 烧卖, 包, 虾仁炒蜜豆, 咖啡鸡, 猪扒... 不过今次主要食海鲜, 熟食只系食左好少好少.
其中一口和牛汉堡, 用匙装住, 细细粒几好味.
食晒以上所讲既海鲜, 和牛, 鹅肝, 其实已经好饱了. 食左少少甜品, 饱到连Dreyers 雪糕都食唔落>.< 最后一定要食既甜品: 北海道牛乳布丁. 真系好好食, 又香浓
以呢个$348既价钱, 对我黎讲绝对物超所值. 一定会再黎食过 ^o^
张贴
