影片
更多
2019-05-05
1593 浏览
继上次是日休息，今次为食肥熊同马骝仔再接再黎，搭车又搭船，终于来到！今次开咗啦,咁啱又系lunch time好彩唔使等位。 环境佢系一个喺斜路铁皮铺， 好有怀旧风味几特别， 同埋一阵好浓好香嘅牛腩汤味，有三张大圆枱，两张细枱仔， 所有人都坐埋一齐， 个档仔好细， 一望埋去你就会见到啲明星相 ，仲会见到谢霆锋张相！ 一坐低我就已经嗌咗我嘅至爱牛肺河， 马骝仔就要做碗牛腩米。 一人一罐可乐 ，仲要咗啲炸鱼皮。 老细话我哋知，炸鱼皮唔系成日有，要好早先有，晏咗就冇得食。 佢嘅炸鱼皮好香好脆，上嚟𠮶阵时仲系热热地好好食， 等咗阵我嘅牛肺河登场啦， 牛肺好入味，好淋好好味， 个汤好够味， 浓而不浊，佢既嘅辣椒油都好正， 实在停唔到口一次过就食咗两碗！马骝仔嘅牛腩米都好够料， 牛腩又爽， 唔会食到起晒渣。虽然佢系老牌铁皮铺但地方好干净， 虽然呢度规矩多多 ，啲侍应串串贡咁， 但其实好亲切， 好玩得， 好有人情味， 好的东西应该值得保留！ 因为真系好好食！！
环境佢系一个喺斜路铁皮铺， 好有怀旧风味几特别， 同埋一阵好浓好香嘅牛腩汤味，有三张大圆枱，两张细枱仔， 所有人都坐埋一齐， 个档仔好细， 一望埋去你就会见到啲明星相 ，仲会见到谢霆锋张相！
一坐低我就已经嗌咗我嘅至爱牛肺河， 马骝仔就要做碗牛腩米。 一人一罐可乐 ，仲要咗啲炸鱼皮。 老细话我哋知，炸鱼皮唔系成日有，要好早先有，晏咗就冇得食。
佢嘅炸鱼皮好香好脆，上嚟𠮶阵时仲系热热地好好食， 等咗阵我嘅牛肺河登场啦， 牛肺好入味，好淋好好味， 个汤好够味， 浓而不浊，佢既嘅辣椒油都好正， 实在停唔到口一次过就食咗两碗！
马骝仔嘅牛腩米都好够料， 牛腩又爽， 唔会食到起晒渣。
虽然佢系老牌铁皮铺但地方好干净， 虽然呢度规矩多多 ，啲侍应串串贡咁， 但其实好亲切， 好玩得， 好有人情味， 好的东西应该值得保留！ 因为真系好好食！！
91 浏览
0 赞好
0 留言
张贴
