法國鵝肝專門店 (已結業)

终于食到啦!上次OR lunch错失机会，今次约埋几位钟意食鹅肝的同事去试下。已知地坊唔大，所以预早几日订定位。头盘方面，我加了60蚊改煎鹅肝配苹果，未食时，厨房传出来的一阵阵香煎鹅肝味。外层煎得好金黄香脆，只是洒了少许盐系面，没有加其他调味品，食落口好脆好原味，不过嫌煎得略熟，而伴碟的苹果酸酸甜甜好有惊喜。而其他同事的的栗子汤、合桃鸭肾沙律都唔错。主菜我和同事share食了鹅肝批及焗椰菜花配火腿，先食鹅肝批，面头得三小块鹅肝，质素又唔错㖞，而个批皮较薄，唔够松化，不过批味道香浓，食唔够半份已经好溜。熏火腿配焗椰菜花，火腿好出色、几有口感，又唔会过咸，焗椰菜花虽然系好香，但太多芝士忌廉，亦是太溜。到我期待的甜品，我拣了软心朱古力蛋榚配雪榚，实在太太太细件啦，真系唔多够喉。朱古力味虽然香浓，但中间的软心没有好像溶岩般流出来，有些少遗憾。最后餐饮本来想叫咖啡，但实在太饱太溜，只好饮柠檬茶来中和一下。今餐好饱好溜，但又好满足。