更多
2024-02-20
1611 浏览
呢间以前成日经过都劲多人排队,一直都好想试下佢哋驰名嘅布甸包,终于呢日收工见到冇乜人排队,谂住试下撞彩竟然仲有得买,于是我买咗两个芝麻味布甸包同一条芝士方包。❃ 黑芝麻布甸包 $23拎到返去时候已经畀我震到散晒,好彩味道都系好好食。 黑芝麻味好香浓,咬开嘅时候闻到超香芝麻香,同埋见到劲多芝麻流心流哂出黎超级治愈,难怪咁多人排队。下次可以试埋其他口味,绿茶红豆都好吸引!❃ 芝士方包 $26呢条方包都好好食,切开个方包入面有劲多芝士粒粒,就连个面包皮都有芝士脆脆。面包劲松软,叮热嚟食嘅时候牛油味好香,呢个芝士方包超级推介。
张贴